AAK-ja e përkrah ekipin negociator për dialogun me këto kushte!

Kryetari i Aleancës për Ardhmërinë e Kosovës (AAK), Ramush Haradinaj, ka mbajtur një konferencë për media lidhur takimin qe do të zhvillohen në Uashington për arritjen e një marrëveshje ndërmjet Kosovës dhe Serbisë, raporton Front Online.

Ai tha se partia e tij AAK-ja, e përkrah delegacionin e Kosovës që do të jetë pjesë e këtij takimi.

“Sot i`u kam ftuar për çështjen e dialogut. Kosova ka definim të këtij procesi. Parimi i parë është të mos diskutohen kufijtë, Parimi i dytë është se s`ka diskutim për një pushtet të tretë dhe parimi i tretë ruajtja e kushtetutshmërisë. Ne si AAK e përkrahim ekipin negociator të Kosovës në këtë dialog”, ka thënë ai.

Ai tha se garanci për arritjen e një marrëveshje me njohje reciproke janë SHBA-të të cilat e udhëheqin këtë proces.

“Një garanci për ne është se këtij dialogu i prijnë ShBA-te, e cila sa herë e ka përkrah Kosovën, proceset kanë pri përpara. Në takimin e ardhshëm presim njohje reciproke”, ka thënë lideri i AAK-së, raporton Front Online.

I pyetur se a do të jetë pjesë e këtij ekipi dikush nga AAK-ja, Haradinaj tha se me siguri se edhe dikush nga partia e tij do të jetë pjesë e këtij ekipi.

“Tani delegacioni është i institucioneve. Me siguri që në dialog do të jenë edhe personat e AAK-së që janë në Qeveri”, ka thënë tutje Haradinaj./Front Online

Edoni largohet nga Big Brother VIP Kosova

Sponsoruar