Janë mbyllur tri ndeshjet e sotme në kuadër të Superligës së Kosovës në futboll, shkruan FrontOnline.
Në mesditën e sotme, Drita u përball me Drenicën, Dukagjini me Ferizajn dhe Llapi me Malishevën.
Në Gjilan, Drita triumfoi përballë Drenicës me rezultat 2:1.
Me këtë fitore, Drita “blindon” vendin e parë në tabelë me 21 pikë, teksa Drenica mbetet në vendin e pestë me 11 sosh.
Nga ana tjetër, Dukagjini “demoloi” Ferizajn me rezultat 4:1 në Klinë.
Pavarësisht fitores, Dukagjini mbetet në vendin e fundit me pesë pikë, teksa Ferizaj një vend më lart me shtatë sosh.
Dhe për fund, Llapi barazoi 1:1 me Malishevën në ndeshjen e zhvilluar në “Zahir Pajaziti” në Podujevë.
Barazimi i sotëm e lë Llapin në vendin e shtatë me nëntë pikë, kurse Malisheva në vendin e tetë me tetë sosh.
Ndryshe, këto ndeshje ishin të vlefshme për javën e nëntë në Superligën e Kosovës./FrontOnline/
