Janë mbyllur tri ndeshjet e sotme në kuadër të Superligës së Kosovës në futboll, shkruan FrontOnline.
Në mesditën e sotme, Drita u përball me Drenicën, Dukagjini me Ferizajn dhe Llapi me Malishevën.
Në Gjilan, Drita triumfoi përballë Drenicës me rezultat 2:1.
Blend Baftiu (‘5) dhe Ardit Tahiri (’87) shënuan për vendasit, teksa Koxy shënoi për mysafirët në minutën e 42-të.
Nga ana tjetër, Dukagjini “demoloi” Ferizajn me rezultat 4:1 në Klinë.
Merlaku (’22), Zabërgja (’45), Gashi (’51) dhe John (’70) shënuan për klinasit, teksa Sefa (‘7) shënoi për mysafirët.
Dhe për fund, Llapi barazoi 1:1 me Malishevën në ndeshjen e zhvilluar në “Zahir Pajaziti” në Podujevë.
Emini (’32) shënoi për vendasit, teksa Hajdari barazoi për mysafirët në minutën e 45-të.
Ndryshe, këto ndeshje ishin të vlefshme për javën e nëntë në Superligën e Kosovës./FrontOnline/