Dy të dyshuar kanë shtënë me armë zjarri në drejtim të një personi tjetër që po lëvizte me veturën e tij në Graçanicë.
Si pasojë e të shtënave janë shkaktuar dëme materiale në veturën e viktimës.
Policia njofton se në vendin e ngjarjes kanë gjetur dhe konfiskuar dy gëzhoja dhe një predhë të pashkrepur.
Rasti është duke u hetuar.
“Graqanicë 27.01.2022 – 17:00. Viktima mashkull kosovar deri sa ishte duke lëvizur me veturën e tij, ka raportuar se nga një veturë tjetër në lëvizje në të cilën ndodheshin dy të dyshuar, është shtënë me armë zjarri në drejtim të tij. Si pasojë e të shtënave janë shkaktuar dëme materiale në veturën e viktimës. Në vendin e ngjarje janë gjetur dhe konfiskuar dy gëzhoja dhe një predhë e pa shkrepur. Nuk raportohet për të lënduar përderisa rasti është duke u hetuar”, thuhet në raportin 24 orësh të policisë./FrontOnline
