Ministria e Shëndetësisë e Shqipërisë ka njoftuar për 127 raste të reja dhe 4 viktima nga COVID-19 në 24 orët e fundit.

Ndërkohë, lajm i mirë është se në 24 orë janë shëruar nga virusi i rëndë 103 të infektuar, duke e çuar në 7732 numrin total të të shëruarve në vend.

Janë kryer 820 testime dhe janë konfirmuar 127 të prekur me virusin Sars-Cov2 në këto bashki: 75 raste në Tiranë, 8 në Korçë, nga 5 raste në Fier, Gramsh, nga 4 raste në Lushnje, Berat, nga 3 raste në Shkodër, Kavajë, Mirditë, nga 2 raste në Krujë, Elbasan, Gjirokastër, Kuçovë, nga 1 rast në Durrës, Devoll, Has, Vlorë, Pukë, Librazhd, Dibër, Roskovec, Patos.

Aktualisht në spitalin Infektiv dhe “Shefqet Ndroqi” po trajtohen 190 pacientë, 16 në terapi intensive nga të cilët vetëm 5 pacientë janë të intubuar.

Me gjithë përpjekjet e mjekëve, betejën me COVID-19 e kanë humbur një 65-vjeçar nga Vlora dhe tre qytetarë nga Tirana: një 59- vjeçar, një 75-vjeçar, një 76-vjeçar, me sëmundje bashkëshoqëruese.

Që nga shpërthimi i pandemisë në Shqipëri me korona virus janë prekur 13.518
persona, prej tyre 7.732 janë të shëruar, 5.402 janë raste ende aktive, ndërsa betejën me sëmundjen e rrezikshme e kanë humbur 384 persona.