×
  • Lajme
  • Lajme

    KMDLNj kërkon që Shërbimi Korrektues i Kosovës të përfshihet në Pakon Emergjente

    FrontOnline
    17 Shtator 2020

    Këshilli për Mbrojtjen e të Drejtave dhe Lirive të Njeriut (KMDLNj), është shprehur se Shërbimi Korrektues i Kosovës të përfshihet në pakon emergjente, derisa kanë shprehur pakënaqësinë e tyre për trajtimin që po iu bëhet pjesëtarëve të këtij shërbimi.

    “E pakënaqur me trajtimin që po u bëhet pjesëtarëve të Shërbimit Korrektues të Kosovës , Sindikata e SHKK ka paralajmëruar grevë për realizimin e të drejtave të tyre në përgjithësi dhe të drejtave të mohuara gjatë pandemisë së shkaktuar nga COVID – 19 , në veçanti. Sindikata e SHKK –së , edhe më parë pati paralajmëruar , me të drejtë protesta shkaku se trajtimi ndaj oficerëve korrektues , administratës dhe stafit tjetër ishte në shpërputhje me përgjegjësitë e këtij shërbimi dhe punën që , sipas monitorimit shumëvjeçar të KMDLNj –së , e bëjnë shumë mirë. SHKK –ë , që nga përfundimi i luftës ka kaluar nëpër periudha të vështira deri në kohën që është konsoliduar dhe , pa asnjë dyshim tani është shërbimi më i mirë në rajon dhe shumë afër të përmbushjes së standardeve të kërkuara edhe për shtetet perëndimore ndonëse ka munguar përkrahja e duhur institucionale apo ajo ka qenë e pamjaftueshme.”, thuhet në komunikatën e KMDLNj-së.

    Sipas KMDLNj –së , pjesëtarët e SHKK –së duhet të trajtohen në nivel të trajtimit që iu bëhet Policisë së Kosovës e që nuk është bërë deri më tani.

    “Kërkesat e Sindikatës së SHKK janë plotësisht të arsyeshme dhe kanë mbështetje në ligjet në fuqi sikur që edhe në aspektin material nuk përbëjnë një ngarkesë të madhe për Buxhetin e Kosovës dhe , në të njëjtën kohë ndihmojnë në ngritjen e cilësisë së punës dhe shërbimeve , në radhë të parë për trajtimin e personave të privuar nga liria sikur edhe për stafin . Në këtë kontekst KMDLNj përkrah këto kërkesa sikur që edhe më parë është angazhuar për realizimin e tyre duke adresuar këto probleme te institucionet përgjegjëse. Tash , me hartimin e Ligjit për Shërbimin Korrektues të Kosovës ku KMDLNj ka dhënë një kontribut të çmuar , po krijohet një bazë ligjore për fuqizimin e Shërbimit Korrektues të Kosovës në aspektin profesional dhe material duke siguruar të hyra vetanake që do të kenë efekt konkret në përmirësimin e kushteve për stafin , për të privuarit nga liria sikur që do të kursehet edhe Buxheti i Kosovës. Deri atëherë kur të fuqizohet dhe operacionalizohet Njësia Ekonomike e SHKK-ës , Institucionet e Kosovës duhet të përkrahin SHKK –ën”, thuhet mes tjerash në komunikatë.

    KMDLNj kërkon nga Ministria e Drejtësisë përkatësisht nga ministri Selim Selimi të angazhohen më shumë për të ndihmuar SHKK –n në kohën e transicionit nga një institucion krejtësisht i varur nga Buxheti i Kosovës në një Agjencion , kryesisht vetmbajtës siç e parasheh Ligji për Shërbimin Korrektues të Kosovës .

    Po ashtu KMDLNj kërkon edhe nga kryeministri i Avdullah Hoti që me urgjencë të shqyrtojë dhe plotësojë kërkesat e arsyeshme të Sindikatës së SHKK –së në mënyrë që të mos ketë nevojë për greva dhe ndërprerje të punës së këtij institucioni me rëndësi të veçantë për sigurinë e qytetarëve dhe të shtetit .

    KMDLNj kërkon nga Qeveria e Kosovës që sa më shpejt ta dërgojë Ligjin për Shërbimin Korrektes të Kosovës për votim në Kuvendin e Kosovës sikur që kërkon nga deputetët e Kuvendit ta votojnë këtë Ligj i cili do të ndikojë dukshëm në rritjen e cilësisë së trajtimit për personat e dënuar , përparimin e të drejtave të tyre , ngritjen profesionale të stafit korrektues dhe përmirësimin e statusit material të tyre përmes sigurimit të të hyrave vetanake e që , për shkak të mungesës së bazës ligjore nuk është realizuar deri më tani.

    Kurtishaj: Presim që Shqipëria do të jetë top destinacion turistik edhe për 2023, jo veç për patriotizëm
    Nga Rubrika
    Lajme08 Maj 2024
    Megjithëse Asambleja Parlamentare i tha “PO” anëtarësimit të Kosovës në KiE, dje një lajm jo fort i mirë erdhi nga Këshilli i...
    Lajme08 Maj 2024
    Qeveria e Kosovës ka mbajtur mbledhjen e saj të 203-të, gjatë së cilës ka shqyrtuar dhe miratuar një sërë rregulloresh dhe projektligjesh...
    Lajme08 Maj 2024
    Zëvendësndihmëssekretari amerikan i Shtetit Gabriel Esobar, i cili në cilësinë e të dërguarit special për Ballkanin Perëndimor, ka qenë i involvuar në...
    Të tjera
    Sport08 Maj 2024
    Të enjten do të zhvillohen të gjitha pesë ndeshjet e javës së 33-të në Superligën e Kosovës në futboll. Në program do...
    Lajme08 Maj 2024
    Kryetari i Aleancës për Ardhmërinë e Kosovës (AAK), Ramush Haradinaj, ka kujtuar Ekrem Rexhën-Komandant Drini, në 24-vjetorin e ndarjes nga jeta. Haradinaj...
    Lajme08 Maj 2024
    Deputetja e PDK-së, Arian Musiliu – Shoshi, ka kritikuar partinë në pushtet, Lëvizjen Vetëvendosje, se nuk “besojnë” në Kosovë si shtet, fuqiplotë...
    Bota/Rajoni08 Maj 2024
    Inteligjenca Artificiale, e ka krijuar imazhe se si pritet të duket familja mbretërore e ardhshme në 30 vjet. Gazetarët francezë në Paris...
    Bota/Rajoni08 Maj 2024
    Rusia tha se dërgimi i trupave të NATO-s në Ukrainë potencialisht do të përbënte një rrezik të madh, duke shtuar se Moska...
    Lajme08 Maj 2024
    Emisari i SHBA-së, Gabriel Escobar, në një konferencë për media ka folur për çështjen e anëtarësimit të Kosovës në Këshill të Evropës,...

    FrontOnline, © 2024 Të gjitha të drejtat e rezervuara.