Kosova dhe Serbia do të takohen përsëri në Bruksel.
Të enjten, në kryeqendrën diplomatike evropiane, takimi do të jetë i nivelit të ekspertëve.
Dy janë temat, të cilat nikoqiri i dialogut, do t`ua vë në tavolinë Skender Hysenit dhe Marko
Gjuriqit, dy krye ekspertëve, njërit të Kosovës dhe tjetrit të Serbisë.
Këto tema i zbulojnë për Front Online pikërisht nga vendi ku do të mbahet ky takim.
“Temat në diskutim janë marrëveshjet për komunitetet jo shumicë dhe zgjidhja e kërkesave të ndërsjella financiare dhe pasurisë”, thuhet në përgjigjen e zëdhënësit të BE-së për Çështje të Jashtme dhe të Sigurisë, Peter Stano, dhënë portalit Front Online.
Këtë deklaratë, shoqëria civile, e ka konsideruar si lojë fjalësh.
Sipas Arton Demhasajt nga organizata ÇOHU, tema e vërtetë e takimit do të jetë Asociacioni.
“Çka nënkuptoj unë me të drejtat e minoriteteve dhe financimi e tyre në Bruksel? Është Asociacioni vetëm iu ka ndërruar emri. Diçka do të diskutohet në Bruksel deri sa po flitet kaq shumë. Po luhet loja e fjalësh, po flasim për Asociacionin, e po thuhet për të drejtat e minoriteteve me shumicë serb”, tregoi Demhasaj për Front Online.
Diçka të tillë për mediat serbe konfirmoi edhe shefi delegacioni nga Beogradi, Marko Gjuriq,
Por, pohimet e tij i mohoi kryeministri i Kosovës, Avdullah Hoti, një ditë para takimit që përfaqësuesit e tij kosovarë me do të kenë me këtë zyrtar serb.
“Nuk ka asociacion me kompetenca ekzekutive. Kjo temë nuk do të diskutohet nesër në Bruksel”, tha Hoti në platformën e organizuar nga shoqëria civile për dialogun.
Ai iu kundërpërgjigj kështu Thaçit i cili e kritikoi ashpër rihapjen e mundshme të kësaj teme, të cilin ky e pati nënshkruar vet më 2013.
Me mendimin e Presidentit pajtohet edhe analisti politik, Ramush Tahiri.
“Nuk ka drejtë Hoti ta rihapë çështjen e Zajednicës. Obligimi i Kushtetueses është obligativ”, tha ai për Front Online.
Pas takimit të së enjtes mes ekipeve të ekspertëve, dialogu mes Kosovës dhe Serbisë në nivelin e udhëheqësve do të zhvillohet më vonë këtë muaj”
