×
  • Lajme
  • Lajme

    PDK kritikon kryeministrin, thonë se ka shkuar në Shtëpi të Bardhë me ekip pa ekspertë, e pa strategji

    FrontOnline
    03 Shtator 2020

    Në takimin që do të mbahet me 4 shtator në Shtëpinë e Bardhë ndërmjet Kosovës dhe Serbisë është dashur të marrin pjesë edhe ekspert të fushave dhe zyrtarë të cilët kanë përvojë politike, ka thënë, deputetja e PDK-së, Ariana Musliu-Shoshi.

    Sipas saj, mënyra e organizimit nuk është e duhura, sepse para se të shkohet atje është dashur të dihen epilogu i këtij takimi.

    “Rreth procesit të dialogut mendoj se organizimi si është bërë nuk është i duhuri sepse para se të shkohet në dialog duhet të ketë një strategji dhe platformë, duhet të jenë temat të cilat i trajtojmë me prioritet që duhet të diskutohen. Si rrjedhim unë mendoj se delegacioni është dashur që të përbëhet përveç nga ministrat të cilët kanë shkuar mendoj se është dashur të ketë edhe ekspert të fushave, zyrtarë të cilët kanë përvojën politike dhe në diplomaci. Mendoj se edhe delegacioni do të ishte më i përmbushur dhe kryeministri do ta kishte anën më të ngritur profesionale me vete”.

    Deputetja Mulsiu-Shoshi tha se dialogu është përgjegjësi e Qeverisë. Ajo shtoi se nuk janë të informuar për temat që do të ngriten as të ekipit që ka shkuar me kryeministrin Avdullah Hoti.

    Musliu-Shoshi thotë se është shumë e çuditshme pse kryeparlamentarja Vjosa Osmani nuk është pjesë e delegacionit edhe pse ka pasur ftesë.

    “Dialogu është përgjegjësi e Qeverisë dhe duhet që ta marrë këtë përgjegjësi. Mendoj që kryeministri Hoti e ka vlerësuar të tillë dhe shpresoj që t’i shpërbejnë kryeministrit që të marrë vendimet e duhura për vendin tonë. Unë mendoj që është dashur të ketë edhe ekspert të fushave me vete. Çka është paksa e çuditshme është se edhe pse nuk ka raportuar për komision të Punëve të Jashtme nuk e kemi asnjë informatë as të temave që do të ngriten as të ekipit që ka shkuar me kryeministrin”.

    “Unë mendoj që është dashur të jetë një koordinim më i mirë në skenën politike sepse vetëm ashtu do të jetë përfaqësimi i plotë. Mirëpo edhe pse ka munguar ky përfaqësim për mua është shumë e çuditshme pse kryeparlamentarja Vjosa Osmani nuk është pjesë e delegacionit. Ajo është kryetare e Kuvendit dhe ka mundur që të përfaqësojë Kuvendin e Kosovës. Për mua është shumë e çuditshme pse kryeparlamentarja Vjosa Osmani nuk është pjesë e delegacionit dhe nuk e di se a ka pasur ajo ftesë që të jetë pjesë e këtij delegacioni”.

    Ajo potencoi se kryetari i PDK-së, Kadri Veseli është deklaruar se do ta mbështesin çdo marrëveshje që është gjithëpërfshirëse në të cilën garantohet sovraniteti i shtetit, integriteti territorial, njohja reciproke dhe anëtarësimi në OKB, raporton EO.

    “Kryetari i PDK-së ka dhënë prononcimin e tij që ne e mbështesim një marrëveshje që do të vijë në kuvend dhe që është gjithëpërfshirëse në të cilën garantohet sovraniteti i shtetit, integriteti territorial, njohja reciproke dhe garantohet anëtarësimi në OKB”.

    “Ku janë ShBA-ja ne asnjëherë nuk kemi dal të dështuar, mirëpo gjithmonë kemi dal fitimtar dhe si e tillë mendoj që edhe ShBA-të dhe BE-ja janë partnerët tanë strategjik dhe duhet që të dyja të jenë të koordinuara në mënyrë që ky proces të ecë përpara”.

    Liderët e Kosovës dhe Serbisë pritet të takohen më 4 shtator në Shtëpinë e Bardhë në Washington, me ftesën që u ka bërë këshilltari për Siguri Kombëtare, Robert O’Brein.

    Ky takim fillimisht ishte planifikuar të mbahej më 2 shtator. Por, ai është shtyrë për dy ditë më vonë.

    Kurse më 7 shtator, në Bruksel pritet të takohen delegacionet e të dyja vendeve, të përfaqësuara në nivelin më të lartë politik, nga kryeministri i Kosovës, Avdullah Hoti dhe presidenti i Serbisë, Aleksandar Vuçiq.

    Një delegacion i Prince Coffee viziton plantacionet e kafesë në Indi
    Nga Rubrika
    Lajme06 Maj 2024
    Presidentja e Kosovës, Vjosa Osmani e ka uruar Jose Raúl Mulino për zgjedhjen si presidenti i Panamasë. Ajo ka uruar që të...
    Lajme06 Maj 2024
    Kryeministri i Kosovës, Albin Kurti, ka shkruar më parë në platformën “X”, për takimin që ka pasur me ambasadorët e Francës, Britanisë...
    Lajme06 Maj 2024
    Kryeministri i Kosovës, Albin Kurti, në një takim me përfaqësuesit e vendeve të QUINT-it: SHBA-së, Mbretërisë së Bashkuar, Gjermanisë, Italisë dhe Francës,...
    Të tjera
    Sport06 Maj 2024
    Edon Zhegrova ka shënuar një tjetër gol në kampionatin francez. Ylli kosovar ka shënuar golin e dytë të Lille në ndeshjen e...
    Bota/Rajoni06 Maj 2024
    Kryetari i PDSH-së, Menduh Thaçi, të hënën, dy ditë para zgjedhjeve parlamentare në Maqedoninë e Veriut, ka thënë se është lutur nga Kryetari...
    Lajme06 Maj 2024
    Ministri i Punëve të Jashtme të Rusisë Sergej Lavrov ka biseduar në telefon  për situatën në Kosovë, me kryetaren e Kuvendit të...
    Sport06 Maj 2024
    Përfaqësuesja e Kosovës ka shënuar një tjetër sukses kësaj radhe në sportin e hendbollit. Grupmosha U18 e hendbollistëve të Kosovës e ka...
    Bota/Rajoni06 Maj 2024
    Grupi militant Hamas thotë se ka pranuar propozimin për armëpushim të ndërmjetësuar nga Egjipti dhe Katari për t’i dhënë fund luftës shtatë-mujore...
    Lajme06 Maj 2024
    Për tre ditë Policia e Gjakovës ka konfiskuar 70 motoçikleta. Kjo për shkak të tejkalimit të shpejtësisë dhe kundërvajtjeve tjera. “Përveç masave...

    FrontOnline, © 2024 Të gjitha të drejtat e rezervuara.