Policia e Kosovës ka njoftuar se një person nga Malisheva ka humbur para dy ditësh.
Rastin në Polici e ka raportuar babai i viktimës.
Ai tha se djali i tij me datën 26.08.2020 kishte shkuar në punë në Fushë Kosovë dhe më nuk ishte kthyer në shtëpi dhe nuk dihet vendndodhja e tij.
“Fsh. Guriq, Malishevë 26.08.2020-16:00. Ankuesi mashkull kosovar me datën 27.08.2020 ka njoftuar se djalli i tij me datën 26.08.2020 kishte shkuar në punë në Fushë Kosovë dhe më nuk ishte kthyer në shtëpi dhe nuk dihet vendndodhja e tij. Sipas ankuesit viktima është me terapi mjekësore për shkak të depresionit. Në konsultim me prokurorin është iniciuar lënda e rastit e cila vazhdon të hetohet”, thuhet në njoftim.
