Qeveria e Kosovës, me kërkesë të kryeministrit Avdullah Hoti e ka mbajtur sot një mbledhje elektronike ku janë marrë disa vendime.

Pika e parë që mori miratimin e Qeverisë ishte vendimi për ndryshimin dhe plotësimin e vendimit të Qeverisë nr. 13/15 të datës 22 korrik 2020, për themelimin e Komitetit Ndërministror për përzgjedhjen e projektit për Kompleksin Memorial “Adem Jashari” në Prekaz. Me këtë plotësim-ndryshim anëtar i Komitetit Ndërministror është edhe Ministri i Ekonomisë dhe Ambientit.

Por vendimet më të rëndësishme ishin ato për shkarkimin e bordeve të përkohshme të drejtorëve të katër ndërmarrjeve publike.

Kësisoj, janë ndërruar bordet e Kompanisë Rajonale e Ujësjellësit KRU “Prishtina”; Ndërmarrjes Publike Qendrore NPH “Ibër – Lepenc”; Ndërmarrjes Publike “Korporata Elektroenergjetike e Kosovës – KEK” dhe Ndërmarrjes Publike KRU “Hidroregjioni Jugor”, Prizren.

Po ashtu, Qeveria ka emëruar bordet e përkohshme të këtyre katër ndërmarrjeve publike, si në vijim:

1. Bordi i Përkohshëm i NP, KRU “Prishtina”, me këtë përbërje:

1.1 – Labinot Dedushi, Kryesues, Drejtor;

1.2 – Agim Miftari, Drejtor;

1.3 – Arlind Haziri, Drejtor;

1.4 – Linda Spahiu, Drejtore.

2. Bordi i Përkohshëm i NPH “Ibër Lepenc” Sh. A., në këtë përbërje:

2.1 – Marigona Hamdija, Kryesuese, Drejtoreshë;

2.2 – Aferdita Llumnica, Drejtoreshë;

2.3 – Enver Rrustemi, Drejtor;

2.4 – Dejan Radojkovi, Drejtor.

3. Bordi i Përkohshëm i NP “Korporata Elektroenergjetike e Kosovës – KEK” Sh. A., në këtë përbërje:

3.1 – Hysen Fazliu, Kryesues, Drejtor;

3.2 – Egzon Berisha, Drejtor;

3.3 – Petrit Ibraj, Drejtor;

3.4 – Fatime Grajcevci, Drejtoreshë.

4. Bordi i Përkohshëm i NP Kompania Rajonale e Ujësjellësit – KRU “Hidroregjioni Jugor” Prizren Sh. A., në këtë përbërje:

4.1 – Zambeze Guraziu, Kryesuese, Drejtoreshë;

4.2 – Edmond Hoxha, Drejtor;

4.3 – Mirzet Dzogovic, Drejtor;

4.4 – Agron Shala, Drejtor