Ish-kryeministri i Malajzisë, Najib Razak, është shpallur fajtor në të shtatë akuzat në seancën e parë nga disa seanca gjyqësore që do të mbahen ndaj tij për korrupsion multi-milionë dollarësh, shkruan BBC.
Ai është deklaruar i pafajshëm ndaj akuzave për shkelje penale të besimit, pastrim të parave dhe abuzim të forcës.
Rasti kundër Najibit, që ishte kryeministër nga viti 2009 deri në vitin 2018, është parë gjerësisht si test i angazhimit anti-korrupsion të Malajzisë.
Skandali rreth fondit sovran të Malajzisë, 1MDB, ka demaskuar një skemë globale të mashtrimit dhe korrupsionit.
Najibi tash përballet me dekada në burg, por ai pritet të mbetet jashtë burgut derisa të shpenzohen gjitha mundësitë e apelimit.
Vendimi i të martës kishte në qendër një transferim prej 10 milionë dollarë nga fondi për në llogaritë private të ish-kryeministrit.
Najib ka mohuar akuzat dhe ka thënë se është këshilluar keq nga këshilltarët financiar, në veçanti nga Jho Low.
Low është akuzuar në SHBA dhe Malajzi, por insiston në pafajësi.
