Turqia thuhet se ka ndaluar të gjithë tregtinë me Izraelin për veprimet e saj në Gaza, duke shkaktuar kritika të forta ndaj presidentit të saj, Recep Tayyip Erdogan, nga ministri i jashtëm izraelit.

Israel Katz akuzoi Erdoganin se sillet si një “diktator” pasi Bloomberg citoi dy zyrtarë të lartë turq duke thënë se Ankaraja kishte rritur ndjeshëm kufizimet e vendosura fillimisht muajin e kaluar, duke ndaluar të gjitha importet ose eksportet që nga e enjtja, raporton The Guardian, transmeton Klankosova.tv.

Turqia nuk e ka njoftuar zyrtarisht pezullimin dhe mbetet e paqartë se cilat janë kushtet e nevojshme për rifillimin e tregtisë.

Mosmarrëveshja ndoshta do të thellojë tensionet mes dy ish-aleatëve të afërt, të cilat janë përkeqësuar që nga fillimi i krizës në Gaza.