Vizat i kanë tash e 10 vjet. Por edhe sikur të mos i kishin, serbët me pasaportën e tyre, do të mund të shetisnin në goxha vende të botës, gjithsej 134.
Kësisoji, pasaporta e tyre është më e fuqishmja në Ballkan dhe e 40-ta në ranglistën botërore.
LEXO EDHE: Kosova në garë me Korenë e Veriut për pasaportën më të dobtë në botë (Video)
Në 10 vende më pak se serbët mund të udhëtojnë ballkanasit e tjerë, malazezët e maqedonasit.
Pasaportat e këtyre dy shteteve janë në një nivel të barabartë fuqie. Zënë vendin e 47-të në botë, të dytin në Ballkan, derisa mundësojnë lirshëm qarkullimin në 124 vende, raporton më tutje Front Online.
Të tretit në Ballkan, dhe të 54-tit në botë. Shqiptarët, me pasaportën e tyre, mund të vizitojnë 114 shtete të globit.
E përdallim prej vëllëzërve të tyre të gjakut, kosovarët, me pasaportën e tyre, mund të lëvizin lirshëm vetëm në 40 vende.
Andaj, kjo shifër i jep pasaportës kosovare epitetin e më të dobtës në rajon, raporton më tutje Front Online.
Sikur të mos mjaftonte kjo, Kosova, është vendi i vetëm në Ballkan që nuk ka liberalizim të vizave.
Pushimet në Maldive Po, vizitat në Gjermani e Zvicër jo
Me pasaportën në xhep, Kosovarët, mund të bëjnë lirshëm një xhiro në vendet e Ballkanit.
Rreth e për qark, me këtë dokument, ata mund t`i sillen edhe krejt Turqisë.
LEXO EDHE: Kosova në garë me Korenë e Veriut për pasaportën më të dobtë në botë (Video)
Vizitë mund t`i bëjnë edhe dy ishujve ekzotik, Sri Lankas e Maldive, pa asnjë pikë problemi.
Por, për një vizitë në shtetet e Europës që janë më afër si Gjermani, Zvicër e shtete të tjera, kosovarëve, u duhet të presin gjatë e në radhë për vizë në shallteret e ndryshme të ambasadave.
Kjo, meqë, lëvizja vetëm me pasaportë është e pamundur për ta.
Në super-grafikën e mëposhtme janë të listuara të gjitha shtetet ku kosovarët mund t`ua mësyjnë pa pasur nevojë për viza. /FrontOnline/
