KRU “Prishtina” sh.a., njofton se duke filluar nga data 1 korrik 2020 do të vazhdojë procedimin e konsumatorëve borxhlinj në procedurë përmbarimore tek përmbaruesit privatë.
Inicimi i kësaj procedure përmes përmbaruesve privatë do të krijojë shpenzime shtesë dhe do të vështirësojë përmbushjen e obligimit duke paguar taksën shtesë, thuhet në njoftimin e KRU “Prishtina”.
Prandaj, për t’iu shmangur kësaj procedure, kërkohet nga konsumatorët që të reflektojnë në kohë sa më të shkurtë dhe të përmbushni obligimin, “në të kundërtën do të jemi të detyruar që çdo konsumator borxhlinj, fillimisht pa anashkaluar punonjësit e KRU “Prishtina” sh.a., do të dërgohen në përmbarim”, thuhet në njoftim.
