Një aksident është regjistruar në hyrje të qytetit të Korçës. Mësohet se një mjet ka goditur një objekt në anë të rrugës.

Mësohet se drejtuesi i mjetit ka tentuar të shmangë një përplasje me një mjet që po udhëtonte në të njëjtin sens lëvizje, por ka humbur kontrollin duke u përplasur fillimisht me një pemë dekorative dhe më pas ka përfunduar në murin mbrojtës të një biznesi.

Nga përplasja mësohet se është plagosur rëndë drejtuesi i mjetit Denis Lika dhe ndodhet në spitalin e Korçës. Mësohet se Lika po udhëtonte i vetëm në momentin e aksidentit.

Policia ndodhet në vendngjarje dhe po punon për zbardhjen e rrethanave të aksidentit.