Një gjykatë ruse e ka shpallur fajtor për spiunim për Shtetet e Bashkuara ish-marinsin amerikan, Paul Whelan, dhe e ka dënuar me 16 vjet burgim në një proces të mbyllur gjyqësor, për të cilin diplomatët amerikanë thanë se ishte i padrejtë dhe jotransparent.
Whelan, i cili ka pasaporta amerikane, britanike, kanadeze dhe irlandeze, ka qenë duke u mbajtur në paraburgim që nga arrestimi nga agjentët e Shërbimit Federal të Sigurisë në një hotel të Moskës më 28 dhjetor të vitit 2018, shkruan “Reuters”.
Moska thotë se Whelan është kapur me një USB që përmbante të dhëna të klasifikuara. Ëhelan është deklaruar i pafajshëm dhe ka thënë se ka menduar që USB-ja, që e kishte marrë nga një mik rus, përmbante fotografi të pushimeve.
Prokurorët rusë, të cilët e kanë akuzuar Whelan-in se ka qenë së paku kolonel i inteligjencës ushtarake në Shtetet e Bashkuara, kishin kërkuar nga gjykata që ai të dënohej me 18 vjet burgim dhe që dënimin ta vuante në një burg të sigurisë së lartë.
