Kryeministri i Kosovës, Avdullah Hoti ka pritur në takim përfaqësuesit e Koorporatës Sfidat e Mijëvjeçarit njofton zyra e Kryeministrit.
Përfaqësuesit e MCC’së në takim me Hotin kanë shprehur gatishmërinë për të vazhduar përkrahjen ndaj Kosovës.
“Kryeministri i Republikës së Kosovës, z. Avdullah Hoti priti sot në takim përfaqësuesit e Koorporatës Sfidat e Mijëvjeçarit (Millennium Challenge Corporation), kryesuar nga znj. Sarah H Olmstead, të cilët shprehën gatishmërinë e tyre për ta vazhduar përkrahjen e tyre për Republikën e Kosovës”, thuhet në njoftimin e zyrës së kryeministrit.
Ndërkaq Hoti falënderoi përfaqësuesit e MCC’së dhe theksoi zotimin e qeverisë për realizimin e mbështetjes financiare të korporatës në mënyrë transparente.
“Kryeministri Hoti falënderoi përfaqësuesit e MCC-së për mbështetjen financiare, si dhe theksoi zotimin e Qeverisë së Republikës së Kosovës për realizimin sa më optimal dhe transparent të këtyre projekteve, pasi që Republika e Kosovës ka nevojë imediate për zhvillim dhe stabilitet ekonomik”, thuhet në njoftim
