Në reagimin e saj, Musliu-Shoshi ia kujton Konjufcës se ai si ministër në detyrë, ka përgjegjësi mbrojtjen dhe përfaqësimin e Kosovës, e jo organizimin dhe mbajtjen e protesteve partiake.

Deputetja Shoshi-Musliu, shton se përgjegjësi e tij është që në këtë kohë të merret me riatdhesimin në Kosovë të atyre që për shkak të pandemisë kanë mbetur jashtë vendit, si dhe t’i mbrojë politikat nacionale ekonomike të vendit.

Reagimi i plotë i deputetes Ariana Musliu-Shoshi:

Z. Konjufcës, si Ministër në detyrë i Punëve të Jashtme dhe Diasporës, do të doja t’ia përkujtoj se përgjegjësitë e tij kushtetuese nuk janë organizimi i provave për protesta, por kujdesi për t’i zhvilluar dhe t’i mbrojtuar interesat e Republikës së Kosovës në raport me vendet e tjera dhe institucionet ndërkombëtare, të përkujdeset për ri-atdhesimin e qytetarëve që kanë mbetë jashtë Kosovës për arsye të pandemisë e po ashtu t’i promovojë dhe mbroj politikat nacionale dhe ekonomike të Kosovës.