Ministri në detyrë i Infrastrukturës dhe Ambientit, Lumir Abdixhiku, ka nënshkruar memorandum bashkëpunimi për projektet infrastrukturore gjatë vitit 2020 dhe 2021 në vlerë prej 1 milion e gjysmë euro me kryetarin e komunës së Prishtinës, Shpend Ahmeti.
Abdixhiku njoftoi se do të investohet në urën e mbikalimit në hyrje të Prishtinës si dhe në kyçjen e rrethrrotullimit në Veternik. Po ashtu u nënshkruan projekte edhe për gjelbërimin e kryeqytetit.
“Kemi në shkruar një memorandum bashkëpunimi për i investime në hyrje të Prishtinës. Në ndërtimin e urës mbikalim në hyrje të Prishtinës dhe në gjelbërim si dhe në kyçjes e rrethrrotullimit në Veternik. Këto projekte janë të paraparë për vitet 2020-2021”.
“Kemi biseduar edhe për projekte tjera siç edh të edhe pjesa e hekurudhës. Grupi punues do të filloj punën nëse nuk kemi telashe gjatë këtij vitin do të jetë i përfunduar. Vlera e projekteve është 1 milionë e gjysmë”.
Ndërsa Ahmeti deklaroi se në rrugën në Veternik kanë pasur telashe si shkak i shembjes së dheut, por do të përfundoj në një periudhë 40 ditore, raporton EO.
Ahmeti potencoi se shumë shpejt do të bëjë zgjidhjen edhe për lidhjen e rrethit të Fushë-Kosovës me lagjen” Arbëria”.
“Rruga e Veternikut që lidhet me Mitrovicën menaxhohet nga ministria e Infrastrukturës, kemi pasur telashe në shembjen e dheut. Do të jetë një periudhë 40 ditore për përfundimin e projektit. Shumë shpejt do ta kemi zgjedhjen e ofruar nga ministria edhe me lidhjen e rrethit të Fushë-Kosovës me Arbërinë. Këto projekte do të përmirësojnë jetën infrastrukturore”.
