Sot në Klinikën Infektive janë të hospitalizuar 11 pacientë. Prej tyre, nëntë pacientë me koronavirus.

Zëdhënësi i Ministrisë së Shëndetësisë, Faik Hoti, ka njoftuar në Facebook se nga pacientët e infektuar me Covid-19, pesë pacientë janë në gjendje stabile, një pacient është me gjendje të rënduar i cili po trajtohet në repart me oksigjenoterapi dhe përkujdesje intensive si dhe tre pacientë janë në Repartin e Mjekimit Intensiv duke u trajtuar (2 raste janë në gjendje të rëndë me oksigjenoterapi dhe përkujdesje intensive si dhe 1 rast është në gjendje kritike dhe në ventilim mekanik).

Hoti tutje ka njoftuar se Klinika është në pritje të rezultateve për dy pacientë.

Bazuar në shifrat zyrtare, deri tash në Kosovë 1004 persona janë infektuar me koronavirus, nga ta, 772 janë shëruar dhe 29 kanë vdekur.