Gjashtë raste të reja janë konfirmuar me koronavirus në Shqipëri, në 24 orët e fundit.
Që nga fillimi i epidemisë deri më sot në Shqipëri janë konfirmuar pozitivë me COVID-19, 856 qytetarë. Prej tyre 627 qytetarë, pra mbi 70% tashmë janë shëruar. Në gjithë vendin aktualisht janë 198 persona aktivë me COVID19, kryesisht ne Tiranë, Krujë, Shkodër, Fier, Kamëz.
“Gjatë ditëve të fundit kemi një përmirësim të situatës edhe në spitale. Aktualisht në dy spitalet COVID, në spitalin infektiv dhe spitalin ‘Shefqet Ndroqi’, janë të shtruar 29 pacientë dhe vetëm 4 prej tyre janë në terapi intensive, dhe prej më shumë se 10 ditësh nuk kemi asnjë humbje jete ”, ka thënë Marjeta Dervishi nga Instituti i Shëndetit Publik në Shqipëri./tch/
