Është liruar nga karantinë edhe fshati, Banjë i Malishevës.
Kështu ka bërë të ditur përmes një njoftimi, Ministria e Shëndetësisë sipas të cilëve nga sot ky fshat nuk do të jetë më në karantinë.
Ky është njoftimi:
Ministria e Shëndetësisë e largon karantinën nga fshati Banjë
Malishevë, 2 maj
Nga sot, fshatit Banjë në Komunën e Malishevës, i hiqet karantina, e vendosur gati një muaj më parë, përkatësisht me 6 prill të këtij viti. Ky vendim i ministrit të Ministrisë së Shëndetësisë hynë në fuqi sot, apo siç shkruhet në vendim, në ditën e nënshkrimit, që mbanë datën 02.05.2020.
Vendosja e karantinës për fshatin Banjë, kishte ndodhur pas konfirmimit të disa personave të prekur me COVID-19.
Me këtë rast Komuna e Malishevës, i falënderon të gjithë banorët e fshatit Banjë, për disiplinën e treguar për zbatimin e masës së karantinës.
Në fshatin Banjë, ishin regjistruar 26 raste të prekur me COVID-19, ndërsa 18 prej tyre janë shëruar plotësisht, në kurim e sipër janë dhe 7 persona, ndërsa një persona ka vdekur.
