Blerim Sallahu, përfaqësues ligjor i LVV-së, nëpërmjet një postimi në “Facebook” ka sqaruar se se pse u përdorë Kushtetuta e Serbisë në kërkesën drejtuar Gjykatës Kushtetuese. Sipas tij, në tekstin e kësaj kërkese është sqaruar se rruga që po e ndjek presidenti dhe LDK-ja, janë praktika dhe norma kushtetuese të Serbisë, raporton
portali “Front Online”.
Më poshtë mund ta lexoni postimin e plotë të Sallahut:
Mbi pretendimin e “patriotëve” se Vetëvendosje! ka përdorur Kushtetutën e Serbisë në kërkesën e saj mbi Dekretin e Presidentit!
Siç mund të shihet edhe në tekstin e Kërkesës, ne kemi thënë se rruga që po e ndjek presidenti dhe LDK-ja, janë praktika dhe norma kushtetuese të Serbisë!
Pra, ky është një nga kundërargumentet tona, e jo dispozitë në të cilën bazohemi. Rruga që këta ndjekin për krijimin e qeverisë është e përcaktuar në Kushtetutën e Serbisë dhe jo në atë të Kosovës.
Prandaj, këto pretendime, thjesht janë nxjerrë nga konteksti me qëllime të ulëta politike nga injorant të cilët merren me interpretime sipërfaqësore kushtetuese.
Neni 130
Një votim mosbesimi ndaj Qeverisë ose një anëtari të veçantë të Qeverisë mund të kërkohet nga të paktën 60 deputetë.
Nëse Asambleja Kombëtare (Parlamenti) kalon një votë mosbesimi në Qeveri, Presidenti i Republikës është i detyruar të fillojë procedurat për zgjedhjen e Qeverisë së re.
Nëse Asambleja Kombëtare nuk zgjedh Qeverinë e re brenda 30 ditëve nga data e votimit të mosbesimit, Presidenti i Republikës është i detyruar të shpërndajë Asamblenë Kombëtare dhe të caktojë zgjedhjet.
