Drejtori i “Infrakosit”, Agron Thaçi, u shkarkua nga Bordi i përkohshëm i ndërmarrjes publike “Hekurudhat e Kosovës – Infrakosi”.
Për këtë vendim, Thaçi fillimisht bëri shaka në studion e Edicionit Special në Klan Kosova, duke bërë pyetje se a mos ka ndodhur edhe ndonjë shkarkim tjetër gjatë kësaj kohë sa ai ishte rrugës duke ardhur në Klan Kosova, meqë sipas tij, këto shkarkime sikur na janë bërë rutinë.
“Kjo ka kaluar në rutinë dhe shaka. Çështja është se është një deformim institucional që po ndodh nga institucione të papërgjegjshme me mosnjohje elementare të trajtimit të institucioneve, sepse personat janë ata që i përbëjnë, është kultura, tradita, dija, prandaj duhet të kemi kujdes që t’i trajtojmë njerëzit në mënyrën më të mirë”.
“Unë para disa ditëve jam suspenduar. Ishte një aktakuzë dhe është e njëjta sikur e katër-pesë drejtorëve të drejtorive në Komunën e Prizrenit, të cilën para disa ditësh Konjufca e kualifikoi si aktakuzë politike.
“Edhe e imja është e tillë, sepse edhe unë e mbrojta pronën e në Prizren dhe e fitova rastin”.
“Unë nuk e di arsyen e shkarkimit tim. Është mbajtur takimi i rregullt të bordit. Gjatë ditës jam informuar se diçka po lëviz dhe sapo dëgjova për shkarkimin e kryeshefit të Telekomit, më është krijuar një ndjeshmëri se diçka do të ndodhë edhe me mua”.
Kjo është fushatë puro politike. Është e parapërgatitur dhe e zier ne kuzhinat politike”
“Nuk po bëhet analizë e mirëfilltë e ndërmarrjeve. Unë personalisht jam ky me këtë përgatitje shkollore, inxhinier me bazë, kandidat për dektoraturë, me përvojë 24 vjeçare, me përvojë në menaxhim të larte në sektorin hekurudhor”.
“Ne merremi me infrastrukturë dhe si e tillë nuk është në gjendjen më të mirë, por është e gatshme për transport. Kemi funksionuar me humbje në pjesën më të madhe të kohës, por qytetarët dhe mediat nuk e kuptojnë funksionimin”.
“Edhe Albinin dërgojeni në Infrakos, dhe po ju garantoj dhe po ju jap një vit kohë, në qoftë se e vendosë ndërmarrjen me profit në fund të vitit, do t’i përkulem gjatë gjithë kohës”.
“Qëllimi i ndërmarrjeve të shërbimit nuk është profiti. Shteti nuk hap ndërmarrje për ta kthyer fitimin. Është dizajnuar asisoji që ne të jemi në gjendje të ofrojmë shërbime kualitative”, u shpreh Thaçi.
