×
  • Bota/Rajoni
  • Bota/Rajoni

    900,000 punonjës britanik përfitojnë rritje të pagave, infermierët përjashtohen nga marrëveshja

    FrontOnline
    21 Korrik 2020

    Punonjësit e sektorit publik britanik kanë përfituar rritje të pagave për punën e tyre gjatë pandemisë – por infermierët nuk janë përfshirë. Qeveria e Mbretërisë së Bashkuar njoftoi të martën se do të përfitojnë rritje të pagës 900,000 punonjës publik përfshirë mësues, oficerë policie, mjekë dhe dentistë.

    Mësuesit do të marrin rritjen më të lartë me 3.1%, ndërsa mjekët 2.8%, sipas qeverisë. Ai shtoi se të dy grupet do të marrin rritje më të madhe të pagave, si mirënjohje për përpjekjet e tyre në vijën e parë gjatë betejës kundër COVID-19″.

    Sipas njoftimit të qeverisë infermierët dhe punonjësit e tjerë të kujdesit shëndetësor janë të përjashtuar nga rritja e pagave, sepse pagat e tyre janë rritur tashmë në një marrëveshje tre-vjeçare të finalizuar në vitin 2018. Kjo gjë nuk u prit mirë nga infermierët dhe përkrahësit e tyre.

    Laura Duffell, një infermiere në Spitalin King’s College në Londër tha që ajo dhe kolegët e saj u shokuan nga njoftimi i qeverisë se infermierët nuk do të përfshihen në rritjen e pagave.

    “Nëse do të kishte rritje page, ne menduam se do të ishim në krye të listës,” tha ajo. “Ju nuk mund ta merrni me mend se sa të zhgënjyer jemi.

    Në fillim të këtij muaji, Kolegji Mbretëror i Infermierisë (RCN), një sindikatë e infermierëve, i dërgoi një letër të hapur shefit të thesarit në Mbretërinë e Bashkuar Rishi Sunak, duke kërkuar rritje rroge për infermierët. Shumë infermierë dhe përkrahësit e tyre u ankuan në Twitter për vendimin e qeverisë.

    “Ne punojmë 90 orë në javë dhe nuk paguhemi për ta bërë këtë, pa përmendur të gjitha traumat që kemi kaluar gjatë tre muajve të fundit, duke parë njerëz që vdesin para syve tanë. Pagat e infermierëve fillojnë mbi 25,000 (30,000 dollarë) në vit në Mbretërinë e Bashkuar.

    “Duartrokitjet dhe fjalët dashamirëse ishin një nxitje morale afatshkurtër për shumë punonjës shëndetësorë, por tani është koha të fillojnë diskutimet në lidhje me pagat,” sipas letrës nga sindikata e infermierëve.

    Sindikata shtoi se paga e ulët është një arsye kryesore pse shumë njerëz po braktisin profesionin e tyre. Javën e kaluar, RCN publikoi ​​një studim që tregonte se 36% e infermierëve po mendojnë të braktisin profesionin e tyre – 27% më shumë së vitin e kaluar.

    Sindikata tha se 61% e atyre që mendojnë të largohen nga profesioni i tyre është për arsye të pagesës ndërsa 44% deklaruan se e konsiderojnë largimin për shkak të mënyrës se si u trajtuan gjatë pandemisë.

    Mbretëria e Bashkuar nuk mund të lejojë që infermierët të largohen- aktualisht ekzistojnë rreth 40,000 vende të lira pune vetëm në Angli.

    Nga Rubrika
    Bota/Rajoni01 Qershor 2025
    Në më shumë se 30 qytete të Serbisë, qytetarët po mbahen protesta, me thirrjen e studentëve që po mbajnë bllokadë, duke kërkuar...
    Bota/Rajoni01 Qershor 2025
    Rreth orës 17:10 të pasdites së sotme, një i mitur 15 vjeç është paraqitur në spital për ndihmë mjekësore, pasi është plagosur...
    Bota/Rajoni01 Qershor 2025
    Presidenti i Ukrainës, Volodymyr Zelensky, ka folur për herë të parë në lidhje me sulmet me dronë në Rusi. Ai sapo ka...
    Të tjera
    Lajme02 Qershor 2025
    Deputeti i LDK, Lutfi Haziri ka thënë është bërë nevrike situata e krijuar në Kuvend, ku sot për herë të 25 po...
    Lajme02 Qershor 2025
    Deputeti i Partisë Demokratike të Kosovës Altin Krasniqi, ka deklaruar se pret që partia fituese ta ndryshojë kandidaten, në mënyrë që të...
    Lajme02 Qershor 2025
    Deputetja e PDK-së, Ganimete Musliu, ka reaguar ashpër për deklaratat e Albin Kurtit se opozita është patriarkale. Musliu ka thënë se nuk...
    Lajme02 Qershor 2025
    Deputeti i Aleancës për Ardhmërinë e Kosovës, Bekë Berisha tha se ata kanë dhënë disa opsione për të dalë nga ngërçi politik....
    Lajme02 Qershor 2025
    Deputetja e VV-së, Saranda Bogujevci, ka komentuar përplasjet e fundit me gazetarin Ilir Mirena e gazetarë të tjerë. Ajo ka thënë se...
    Lajme02 Qershor 2025
    Ministri në detyrë i Bujqësisë, Faton Peci, para fillimit të seancës konstituive, është deklaruar para mediave. “Çdo herë vijmë me shpresën që...
    -->

    FrontOnline, © 2025 Të gjitha të drejtat e rezervuara.