×
  • Lajme
  • Lajme

    769 ditë kanë kaluar kur Komisioni Evropian konfirmoi se Kosova ka plotësuar kriteret për viza

    FrontOnline
    25 Gusht 2020

    Kanë kaluar më shumë se 2 vjet që kur Komisioni Evropian konfirmoi se Kosova ka plotësuar të gjitha kriteret e kërkuara për liberalizimin e vizave.

    Më 18 korrik 2018 KE propozoi që të hiqen vizat për kosovarët pasi ishin plotësuar edhe dy kriteret e fundit, krijimi i një regjistri të hetimeve, vendimeve të formës së prerë të gjykatave dhe konfiskimeve lidhur me rastet e profilit të lartë të krimit të organizuar dhe korrupsionit, si dhe ratifikimi i marrëveshjes për demarkacionin e kufirit me Malin e Zi.

    Por kanë kaluar 769 ditë nga propozimi i Komisionit Evropian kurse i njëjti ende nuk ka kaluar në Këshillin e Bashkimit Evropian aty ku edhe merret vendimi për heqjen e vizave, shkruan Gazeta Express.

    Edhe përkundër rekomandimit të para më shumë se dy viteve, Kosova mbetet vendi i vetëm në Ballkanin Perëndimor ku akoma është në fuqi regjimi i vizave shengen.

    Shtetet e tjera të Ballkanit Perëndimor, Shqipëria, Serbia, Bosnja e Hercegovina, Mali i Zi dhe Maqedonia kanë marrë liberalizimin e vizave para një dekade në vitin 2010.

    Kosova shpreson që gjatë gjashtë mujorit të presidencës gjermane të Bashkimit Evropian, çështja e liberalizimit të vizave për Kosovën të futet në agjendën e Këshillit të Bashkimit Evropian, pasi Gjermania është shprehur vazhdimisht pro heqjes së vizave për kosovarët.

    Në qershor 2020, deputetët e Parlamentit Evropian kanë nënshkruar një letër përmes të cilës i kanë kërkuar kancelares Angela Merkel të vendosë në agjendë të Këshillit Evropian çështjen e libëralizimit të vizave për Kosovën.

    Letrën e kanë nënshkruar 33 deputetë të PE’së nga parti të ndryshme të përfaqësuara në organin ligjvënës të BE’së./Express/

    Nga Rubrika
    Lajme13 Maj 2025
    Para pak minutash, dyshohet se janë dëgjuar të shtëna me armë në rrugën “Muharrem Fejza” në Prishtinë. Bazuar në informacionet e para,...
    Lajme12 Maj 2025
    Ministri në detyrë i Punëve të Brendshme, Xhelal Sveçla, ka bërë të ditur se në platformën e-Kosova janë lansuar edhe dy shërbime...
    Lajme12 Maj 2025
    Nesër në Kosovë pritet të mbajë mot me intervale kohore me diell dhe vranësira lokale. Rrallë në disa zona mund të ketë...
    Të tjera
    Lajme12 Maj 2025
    Ministrja në detyrë e Ekonomisë, Artane Rizvanolli, ka reaguar ashpër ndaj idesë së ndarjes së 50 milionë eurove për subvencionimin e bizneseve...
    Bota/Rajoni12 Maj 2025
    Sipas të dhënave të Zyrës Federale të Statistikave (BFS), një në tri gra në Zvicër ka lindur me prerje cezariane gjatë vitit...
    Lajme12 Maj 2025
    Pas publikimit të përgjimeve tronditëse në “Debat Plus”, ku protagonist ishte Hysri Selimi i arrestuar për spiunazh, televizioni Dukagjini ka vijuar hulumtimet,...
    Lajme12 Maj 2025
    Një ekip i ekspertëve të Bashkimit Evropian pritet të vijnë në Kosovë për të bërë matje, testime dhe inspektime të urës së...
    Lajme12 Maj 2025
    Gjendja e Klinikës së Pediatrisë në Qendrën Klinike Universitare të Kosovës është tejet rëndë. Një lexuesit për Klankosova.tv, ka dërguar videon duke...
    Lajme12 Maj 2025
    Presidentja, Vjosa Osmani po qëndron në Vjenë për vizitë zyrtare. Osmani ka pranuar sot “Çmimin për Evropën” nga Fondacioni Pan-Evropian Richard Coudenhove-Kalergi....
    -->

    FrontOnline, © 2025 Të gjitha të drejtat e rezervuara.