Me 8 rastet e konfirmuara mbrëmë, deri më tani në Komunën e Kamenicës janë gjithsej 35 persona të infektuar me pandeminë COVID-19, raporton Front Online.

Nga 8 rastet e fundit, 2 prej tyre janë babë e birë nga një fshat i komunës së Kamenicës.

Ndërsa 6 të tjerë janë persona që vijnë nga tri familje të ndryshme të prekur nga një i ri i Gjilanit derisa po luanin me të futboll.

Koordinatori i Shtabit Emergjent të Komunës së Kamenicës, Ramadan Basha, për Front Online ka thënë se të prekurit me Coronavirus janë nga fshatrat Poliçkë dhe Hodonoc.

“Dy raste janë në fshatin Hodernovc të komunës së Kamenicës janë babë e birë. I kemi edhe 6 raste tjera në fshatin Polic. Ka qenë një djalë i ri që kanë pasur aktivitete sportive me të, saktësisht duke luajtur futboll”, ka thënë Basha.

Ai ka deklaruar se aktualisht në Klinikën Infektive në QKUK po marrin trajtim 3 persona gjendja e të cilëve është stabile.

Basha ka bërë të ditur po ashtu se personat tjerë të infektuar janë duke marrë trajtimin e nevojshëm në shtëpi në kushte karantine, derisa në këtë Komunë janë shëruar gjithsej 3 persona që ishin të infektuar me coronavirus.

“Tani veçse kemi një stabilizim të situatës në fshatin Topanicë. Gjendja e pacientëve është stabile. Deri më tani 3 persona janë shëruar nga komuna e Kamenicës. Moshat e të prekurve me COVID-19 variojnë nga 6 muajsh deri në 72 vjeçar mosha e të infektuarve me Coronavirus.”, tha Basha për Front Online.

Kujtojmë se në Kosovë deri më tani janë infektuar 630 persona nga pandemia COVID-19.

Kurse, sot ka ndërruar jetë një 53-vjeçar nga Komuna e Prizrenit duke e çuar në 19 numrin e të vdekurve në Kosovë. /Front Online/