Deputeti i AAK-së, Rasim Selmanaj ka thënë se Vetëvendosje si parti opozitare nuk ka arsye të flet për rrugën Deçan-Plavë.
Selmanaj ka deklaruar se ishte pikërisht Qeveria Kurti ajo që i kishte hequr mjetet e ndara për këtë projekt.
“Tashmë kur rruga Deçan-Plavë u bë temë diskutimi, disa parti opozitare po e ngrisin zërin duke shpreh shqetësimin e tyre për ndërprerjen e kësaj rruge te pjesa 5 kilometërshe. Ishte Qeveria Kurti që i hoqi nga buxheti mjetet e ndara për këtë projekt! Sikur ato mjete të mos hiqeshin sot rruga Deçan-Plavë pothuajse kishte përfunduar! Qeveria Kurti në njërën anë i ndaloi mjetet ndërsa në anën tjetër sot shpreh ‘shqetësim’ e bënë ‘kritika’, këto dyja nuk shkojnë bashkë! Megjithatë rruga po bëhet” ka shkruar deputeti i AAK-së, Selmanaj.
