Ish-zëvendëskryeministri i Kosovës nga radhët e Lëvizjes Vetëvendosje Haki Abazi ka ironizuar me bisedimet e fundit në Uashington dhe Bruksel, si dhe marrëveshjen Kosovës-Serbi për normalizim ekonomik, teksa nuk ka lënë pa përmendur tërthorazi edhe njohjen nga Izraeli.
“Kush e di agjendën në Bruksel, a mos po flitet për kubëzimin dhe kunjat e Prishtinës apo kualitetin e “lartë” të asfaltit në Pejton apo për miliardat që janë nisur nga këtej Atlantikut, ndoshta për 2% e 10 milionëshit për pensionistët, apo për modelin e demokracisë ku partia garon me program të rrejshëm, por implementon programin e partisë në opozitë që vazhdon zhvatjen”, ka shkruar Abazi në Facebook.
“Meqë jemi vend nga Lindja e Mesme, qytetarët nuk kanë nevojë e as të drejtë të janë pjesëmarrës. Kjo që është instaluar është demokraci iliberale me qeveri kuislinge, me një president që po perëndon dhe një kastë e zhytur deri në fyt”, përfundon ai.
