×
  • Lajme
  • Lajme

    ​Mbyllja e qendrës për pajisje me dokumente në Mitrovicë, flasin qytetarët

    FrontOnline
    13 Korrik 2020

    Qendra për Pajisje me Dokumente në komunën e Mitrovicës Jugore, është mbyllur nga sot, pasi që disa zyrtarë në këtë institucion kanë rezultuar pozitiv me COVID19. E në këtë Qendër lejoheshin vetëm të tërhiqeshin dokumentet, aplikimet e të cilave ishin bërë më herët, por nuk lejoheshin aplikime të reja për dokumente, në përjashton të rasteve mjekësore.

    Njoftimi për mbylljen e qendrës ishte vendosur në hyrje të objektit.

    Ndërkohë, marrjen e dokumenteve të identifikimit apo edhe vulave apostile, mitrovicasit mund ta bëjnë në qendrat më të afërta.

    Nerxhivane Musa e cila para një jave kishte aplikuar për pajisjen me pasaportë, thotë se nuk pati ndonjë telashe për ta marrë dokumentin.

    “Për rastin njoftuan sot por unë nuk kam pasur kurrfarë problemi, para një jave i kam dorëzuar, çdogjë në rregull…për pasaportë (kam aplikuar) gjithçka në rregull është”, tha ajo.

    Por Lutfie Ymeri nga fshati Bistricë e Mitrovicës Veriore nuk mundi të aplikonte për letërnjoftim. Kjo pasi që qendra nuk është duke funksionuar për shkak të rasteve me COVID që janë konfirmuar në Qendrën për Pajisjen me Dokumente në komunën e Mitrovicës.

    “Nuk kreva asgjë… erdha për letërnjoftim, thanë shko në lagje të Boshnjakëve”, u shpreh ajo.

    Për të marrë letërnjoftim në Qendrën për Pajisje në Mitrovicë, kishte ardhur edhe Enver Zahiti. Ndonëse nuk ishte i informuar që qendra nuk po punon, ai dokumenti e mori.

    “Për letërnjoftim me tërheqë letërnjoftimin… në derë po e shohim por njoftim nuk kemi pasur…po ma merr mendja pasi më ka ardhur sms vetëm për tërheqje”, theksoi Zahiti.

    Njoftimi për mbylljen e Qendrës për Pajisje me Dokumente në Mitrovicën Jugore, u bë i ditur nga ministria e Punëve të Brendshme dhe Administratës Publike, ku thuhej se për shkak të rrezikut nga përhapja e COVID-19, është marrë vendim që Qendra për Pajisje me Dokumente në Mitrovicën Jugore të pezullojë përkohësisht ofrimin e shërbimeve për dokumente të identifikimit dhe vule apostile/verifikuese.

    “Deri në përfundimin e procesit të testimit të stafit të kësaj qendre të gjitha shërbimet e aplikimit për pajisje me dokumente mund të bëhen nëpër Qendrat për Pajisje me Dokumente të komunave më të afërta për qytetarin. Në Qendrën për Pajisje me Dokumente në Mitrovicën Jugore mund të kryhen vetëm rastet mjekësore si dhe mund të bëhet tërheqja e dokumenteve për aplikimet e mëhershme”, thuhet në njoftim .

    Për shkak të disa rasteve pozitive me COVID19, javë më parë është mbyllur edhe Agjencia e Regjistrimit Civil, në kuadër të të cilës është edhe Qendra për Pajisje me Dokumente e Mitrovicës Jugore.

    Nga Rubrika
    Lajme14 Maj 2025
    Nënkryetari i AAK-së, Pal Lekaj, për FrontOnline e ka vlerësuar takimin e paralajmëruar për më 15 maj mes Presidentes dhe liderëve politik...
    Lajme14 Maj 2025
    Kompania Rajonale e Ujësjellësit “Gjakova” ka bërë një thirrje publike për qytetarët që të tregojnë kujdes dhe përgjegjësi ndaj rrjetit të kanalizimit....
    Lajme14 Maj 2025
    Nënkryetari i Lidhjes Demokratike të Kosovës (LDK), Gazmend Muhaxheri, për FrontOnline ka komentuar takimin konsultativ të thirrur nga Presidentja Vjosa Osmani më...
    Të tjera
    Lajme14 Maj 2025
    Moti i ditës së sotme parashihet me diell dhe vranësira të shpërndara. Sipas IHMK-së, temperaturat minimale do të lëvizin ndërmjet 3 deri...
    Lajme13 Maj 2025
    Shefja e Grupit Parlamentar të Lidhjes Demokratike të Kosovës, Hykmete Bajrami, ka deklaruar se opozita nuk i ka votat e mjaftueshme për...
    Vip13 Maj 2025
    Shkodra Elektronike ka arritur që të kualifikohet në finalen e madhe të Eurovisionit që mbahet më 17 maj. Grupi muzikor shqiptar i...
    Lajme13 Maj 2025
    Policia e Kosovës ka arrestuar një person pasi në stacionin policor në Fushë Kosovë është paraqitur një qytetare e cila ka raportuar...
    Vip13 Maj 2025
    Emocion, krenari dhe një shpërthim reagimesh pozitive – Shqipëria është zyrtarisht finaliste në Eurovision Song Contest 2025, që po mbahet këtë vit...
    Lajme13 Maj 2025
    Në një reagim të drejtpërdrejtë gjatë emisionit Debat Plus, Hykmete Bajrami i është përgjigjur Dimal Bashës së Lëvëzjes Vetëvendosje se pse nuk...
    -->

    FrontOnline, © 2025 Të gjitha të drejtat e rezervuara.