Bota/Rajoni

​Shkollat në Itali rifillojnë më 14 shtator nën siguri maksimale

​Shkollat në Itali rifillojnë më 14 shtator nën siguri maksimale
22:50 | 26 Qershor 2020

Rinia italiane do të mundet të rikthehet më 14 shtator në mjediset shkollore, të mbyllura që nga 9 marsi për shkak të koronavirusit të ri, njoftoi sot kryeministri italian, Giuseppe Conte.

“Shkollat do të rihapen në këtë datë me një sërë masash, që supozohet të garantojnë distancimin shoqëror dhe sigurinë maksimale”, tha Conte gjatë një konference për shtyp.

“Shkolla është në qendër të politikës së qeverisë. Qeveria ka punuar shumë me botën e arsimit në tërësi, për të përcaktuar udhëzime për rihapjen e shkollave”, siguroi ai.

Direktivat e Ministrisë italiane të Arsimit parashikojnë një sërë masash për të parandaluar infektimin me COVID-19, përfshirë hyrje dhe dalje me rradhë, klasa të veçanta për grupmosha të ndryshme nxënësish, orë mësimore 40-minutëshe në vend të 60, pjesërisht arsim në distancë, etj.

“Frika ime është përballja me publikun”, thotë banori/banorja i/e 12-të i/e BBVK

Të tjera