Lajme

Zjarri në spitalin e Vushtrrisë, policia thotë se janë djegur mbeturinat mjekësore

Zjarri në spitalin e Vushtrrisë, policia thotë se janë djegur mbeturinat mjekësore
20:59 | 07 Maj 2021

Në orët e mbrëmjes u raportua se një pjesë e spitalit të Vushtrisë është djegur, shkruanFront Online.

Front Online për këtë rast ka kontaktuar edhe zëdhënësin e policisë për rajonin  e Mitrovicës, Avni Zahiti.

Zahiti tha se në Polici nuk është raportuar për djegie të spitalit, por për djegie të mbeturinave prapa spitalit.

“Nuk është raportuar për të lënduar”, tha Zahiti tutje.

Edhe spitali i Përgjithshëm i Vushtrrisë “Sheikh Zayed”, ka njoftuar se sot në ora 15.30, ka shpërthyer zjarri te mbeturinat mjekësore, afër impiantit, në hapësirën prapa Spitalit, i njëjti është lokalizuar.

Sipas komunikatës së lëshuar nga SHSKUK impianti aktualisht është në servisim dhe mbetjet kanë qenë të grumbullara afër tij deri në servisim të pajisjes.

Pas intervenimit nga Njësia e Zjarrfikësve, zjarri u shua, pa pasoja në objektin e spitalit dhe pa lëndime eventuale.

 

Kredi me afat rekord të shqyrtimit dhe aprovimit

Të tjera