Ministri i Shëndetësisë, Armend Zemaj dhe Avokati i Popullit, Hilmi Jashari u takuan sot.Këtë e tregoi ministri Zemaj përmes një postimi në facebook.

Ai tha se shkëmbyen pikëpamjet për qeverisjen dhe administrimin e mirë.

Sipas Zemajt, rekomandimet nga institucioni i Avokatit të Popullit synojnë përmirësime në cilësinë e shërbimeve ndaj qytetarëve.Zemaj tha se është i gatshëm për bashkëpunim me këtë institucion.Ky është postimi i plotë i tij në facbook:

Sapo pata një takim të rëndësishëm me z.Hilmi Jasharin, Avokat i Popullit në Kosovë, me të cilin shkëmbyem idetë dhe pikëpamjet për zhvillim e kulturës së qeverisjes së mirë, të administrim të mirë, transparencës dhe llogaridhënies së autoriteteve publike para qytetarëve të Kosovës.
Avokati i Popullit është njëri ndër institucionet garant të demokracisë, shtetit ligjor dhe i të drejtave të njeriut.
Andaj, rekomandimet nga ky institucion synojnë të sjellin përmirësime në standardet dhe në cilësinë e shërbimeve të autoriteteve publike ndaj qytetarëve.
Shpreha gatishmërinë time për të bashkëpunuar me këtë institucion shumë të rëndësishëm, i cili ndër të tjera është një mekanizëm ligjor edhe për mbrojtjen e personave të privuar nga liria, që shpeshherë qëndrojnë në institucionet shëndetësore. E të cilët do të vazhdojnë të marrin të trajtime mjekësore pa u diskriminuar.