×
  • Ekonomi
  • Ekonomi

    Zeka: Mjetet e Trustit kanë efekt pozitiv në ekonomi, deputetët të jenë më llogaridhënës

    FrontOnline
    27 Shtator 2020

    Përkundër që qarkullimi i bizneseve ka shënuar rënie mbi 1 miliard euro në pandemi, deputetët të cilët paguhen nga taksapaguesit nuk janë llogaridhënës për miratimin e planit për rimëkëmbje ekonomike që parasheh edhe tërheqjen e 10 përqind të kursimeve në Trust.

    Kështu thotë drejtori ekzekutiv i Odës Ekonomike Amerikane në Kosovë, Arian Zeka, derisa ka shtuar se kjo situatë duhet të shihet si mjaft shqetësuese nga ligjvënësit për dëmin që është shkaktuar nga pandemia Covid-19.

    Zeka: Deri tash 1 miliard janë humbjet në sektorin privat

    “Deri tani me të dhënat e Administratës Tatimore të Kosovës pothuajse qarkullimi. I përgjithshëm ndërmarrjeve në Kosovë ka shënuar një rënie prej 1 miliard euro që për një shtet me një bruto produkt më të vogël në rajon, ky një miliard deri më tani do të duhej të shihet me një dramacitet nga ana e vendimmarrësve tanë dhe veprimi shtatorë të ishte më i shpejt dhe proporcional më dëmin që është shkaktuar”, thotë Zeka.

    Përveç në sektorin privat, Zeka thotë se mosmiratimi i projektligjit për rimëkëmbje ekonomike, ka ngjallur pakënaqësi edhe nga ana e qytetarëve për mosrealizimin e paraparë të mjeteve nga Trusti.

    Zeka: Për mjetet e Trustit ka pakënaqësi edhe nga qytetarët

    “Tashmë kjo ka ngritë edhe pritshmërinë e qytetarëve, po flasim për një shumë të vogël që ata mund të përfitojnë, por megjithatë tash në publik është si një pritshmëri që qytetarët e kanë, edhe setcilia ditë vonesë natyrisht që rritë edhe pakënaqësinë e qytetarëve karshi ekzekutivit dhe legjislativit. Vendim-marrësit të jenë më llogaridhënës karshi qytetarëve. Tek e fundit ata janë në pozitat e tyre të rehatshme duke shpenzuar mjetet e buxhetit, parat e tatimpaguesve e të cilët kanë mbetur në pozitë shumë vështirë për shkak të pandemisë dhe mos veprimit të shtetëror, deklaron ai.

    Kreu i Odës Ekonomike Amerikane ka thënë për KosovaPress, po ashtu se përdorimi i mjeteve të Trustit ka afekte pozitive në ekonomi.

    Zeka: Mjetet e Trustit kanë efekte pozitiv edhe në ekonomi

    “Do të jetë një efekte pozitiv në ekonomi nëse flasim për 100 deri 150 milion euro ashtu siç janë paraparë. Po të tërhiqeshin ato 10 përqind nga Trusti Pensional nuk mund ta relativizojmë ndikimin e këtyre mjeteve në ekonominë e vendit, por natyrisht që efektet do të jenë afatshkurtra ashtu siç do ta rrezikojë mirëqenien e pensionistëve kur do që qytetarët ta arrijnë moshën e pensionimit”, pohon Zeka.

    Ai në fund ka thënë se kërkohet nga koalicioni Qeverisës që të arrin një konsensus edhe me partitë tjera opozitare që të votohet Plani për rimëkëmbje ekonomik.

    Për këtë projektligj ka pasur dy tentativa për votim, por nuk ka pasur kuorum nga deputetët.

    Nga Rubrika
    Ekonomi30 Maj 2025
    Hiç më pak se 830 milionë euro vlerësohet se arrin shuma e përgjithshme e projekteve ndërkombëtare të pezulluara ose të ndërprera në...
    Ekonomi30 Maj 2025
    Përfaqësues të bizneseve i bllokuan të enjten përkohësisht hyrjet në kryeqytet në shenjë proteste për liberalizimin e tregut të energjisë, për çka...
    Ekonomi17 Maj 2025
    Që prej pandemisë COVID-19, në Kosovë e më gjerë flitet për rritje çmimesh. Ky trend ka vazhduar edhe në muajt e parë...
    Të tjera
    Lajme30 Maj 2025
    Drejtori Ekzekutiv i Asociacionit të Komunave të Kosovës, Sazan Ibrahimi, ka rrëfyer për kërcënimet me jetë që kishte marrë pas debateve që...
    Sport30 Maj 2025
    Futbollisti i njohur shqiptar, Mërgim Berisha, dhe bashkëshortja e tij, Edona Berisha janë bërë prindër për herë të parë të një vajze....
    Lajme30 Maj 2025
    Eugen Cakolli nga KDI ka reaguar rreth rastit të aplikimit të kompanisë së vëllait të Luan Dalipit, këshilltar i Albin Kurtit, për...
    Lajme30 Maj 2025
    Ish-deputetja e Kuvendit të Kosovës për disa mandate, Besa Gaxherri, për FrontOnline ka folur për ngërçin politik që po e mban peng...
    Lajme30 Maj 2025
    Kreu i Lidhjes Demokratike të Kosovës, Lumir Abdixhiku, ka reaguar pasi kompania e vëllait të Luan Dalipit, Shefit të Stafit të Kryeministrit...
    Lajme30 Maj 2025
    Ish-deputeti i Kuvendit të Kosovës për disa mandate, Xhavit Haliti, për FrontOnline ka komentuar situatën e zgjatur të bllokimit të konstituimit të...
    -->

    FrontOnline, © 2025 Të gjitha të drejtat e rezervuara.