Raportuesja e Kosovës në Parlamentin Evropain Viola von Cramon, pati një mesazh pas përfundimit të vizitës në veriun e Kosovës.

Ajo tha se edhe pse kryetarët e komunave veriore të Kosovës janë të zgjedhur, ata sërish nuk kanë legjitimitet të hyjnë me forcë në objektet komunale.

“Jam këtu tek Ura e Ibrit në Kosovë, që ndan jugun e Mitrovicës dhe veriun. E kam kaluar ditën në veriun e Mitrovicës, duke folur me përfaqësuesit e shoqërisë civile, opozitës, forcat policore, institucionet e tjera. Më duhet ta pranoj se është një situatë e tensionuar. Pamë shumë vetura dhe pjesëtarë të armatosur”, tha ajo.

Von Cramon theksoi se duhet të gjenden zgjidhje të mençura për të ndëruar besimin mes qytetarëve.

Sot gjatë ditës ajo pati në debat me policët e Kosovës në Zveçan.

Ajo i pyeti ata se “Kush dreqin ju solli” dhe “Ku po e shihni rrezikun?”.

Qasja e eurodeputetes ndaj policëve ka ngritur shqetësim në opinionin publik.

Të premten në tri komunat Zubin Potok, Leposaviq dhe Zveçan pati një tentim nga ana e një numri të protestuesve serbë për t’i ndaluar hyrjen në objektet komunale të kryetarëve të zgjedhur më 23 prill.

Për këtë shkak është dashur edhe ndërhyrja e policisë.