Kryeparlamentarja Vjosa Osmani ka njoftuar se ka hapur rast në Polici ndaj deputetit të LDK-së, Xhavit Ukaj, për siç ka thënë ajo kërcënim fizik dhe përdorim të gjuhës banale, raporton Front Online.
Njoftimi i plotë:
Ndaj deputetit që më ka kërcënuar fizikisht dhe me gjuhë banale të paprecedent për një institucion si Kuvendi, kam hapur rast në polici. Shpresoj që organet e rendit të merren sa më shpejt me këtë rast, ndërkaq ne i kthehemi punës së Kuvendit të hënën në orën 14:00, sipas vendimit të Kryesisë së Kuvendit. Ka tema të rëndësishme me të cilat duhet të merremi, siç është menaxhimi i pandemisë dhe nuk lejoj asnjë person të papërgjegjshëm të më pengojë në kryerjen e detyrës zyrtare në përputhje me rregulloren e Kuvendit.
