×
  • Lajme
  • Lajme

    Vitia e Zemaj kërkohen të jenë dëshmitarë në Komisionin Hetimor për COVID-19

    FrontOnline
    18 Qershor 2020

    Ka përfunduar mbledhja e parë e Komisionit Hetimor për menaxhimin e pandemisë së koronavirusit nga ana e ish-Qeverisë së Kosovës, në krye me Albin Kurtin.

    Pas konstituimit të komisionit është hapur debati, ku Eliza Hoxha nga Partia Demokratike e Kosovës si inicuese, ka thënë se dy çështje pse është bërë ky komision, janë çështja e karantinës dhe humbja e të riut Agon Musliu, karantimi selektiv dhe masat që janë shpallur antikushtetuese.

    “Kemi çështjen e testeve dhe furnizimet e barnave dhe keqpërdorimet si dhe testet nga Serbia se a ka qenë e domosdoshme dhe procedura”, tha Hoxha.

    Shkumbin Demaliaj nga Aleanca për Ardhmërinë e Kosovës, ka kërkuar që pjesë e dëshmitarëve të jetë edhe Armend Zemaj, ministër i Shëndetësisë nga Lidhja Demokratike e Kosovës.

    “Te lista e dëshmitarëve të jetë edhe ministri i ri i shëndetësisë për shkak të deklarimeve të tij, që ka pasur përkeqpërdorime”, tha Demaliaj.

    Bekim Haxhiu, nga PDK-ja, ka kërkuar që në debate të jetë i pranishëm si dëshmitar edhe ish-ministri i Shëndetësisë në Qeverinë Kurti, Arben Vitia.

    “Duhet të thërrasim si dëshmitar edhe Arben Vitinë edhe zv.ministrat që kanë qenë dhe udhëheqësit e zonës së karantinës, dhe pas kësaj përgjegjësit në Ministrinë e Punëve të Brendshme”, tha Haxhiu.

    Kuvendi i Kosovës, më 4 qershor të vitit 2020 ka themeluar Komisionin Hetimor Parlamentar në lidhje me menaxhimin e pandemisë së virusit COVID-19 nga ana e Qeverisë. 74 kanë votuar për themelimin e këtij komisioni, që sipas propozueses, deputetes së PDK-së, Eliza Hoxha, do të merret me gjithçka që ka të bëjë me pandeminë, me atë që është bërë nga Qeveria Kurti, dhe gjithashtu do të hetojë vdekjen e Agon Musliut në Qendrën e Studentëve derisa ishte i karantinuar.

    Anëtarë të këtij komisioni janë zgjedhur: nga VV-ja, Mimoza Kusari-Lila – kryesuese, Labinotë Demi-Murtezi e Fatmire Mulhaxha Kollçaku, nga LDK-ja, Ekrem Hyseni, Ilir Ferati e Veton Berisha, nga PDK-ja, Eliza Hoxha – zv.kryesuese e Bekim Haxhiu, nga AAK-ja, Shkumbin Demaliaj, nga Lista Serbe, Milosh Peroviq, nga Nisma-AKR, Endrit Shala.

    Formimin e komisionit e pati mbështetur edhe Vetëvendosje.

    1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj
    Nga Rubrika
    Lajme15 Prill 2024
    Pas miratimit me sukses të raportit të raportueses për Kosovën, Dora Bakoyannis, nga Komiteti për Politikë dhe Demokraci i Këshillit të Evropës,...
    Lajme15 Prill 2024
    Agjencia e Statistikave të Kosovës (ASK), ka bërë të ditur se mbi 200 mijë rezident janë të regjistruar në Kosovë, dhe mbi...
    Lajme15 Prill 2024
    Ka filluar ceremonia e pritjes se liderëve botëror nga Presidentja Vjosa Osmani, të cilët do të marrin pjesë në Forumin Ndërkombëtar për...
    Të tjera
    Ekonomi15 Prill 2024
    Një delegacion i Bankës Qendrore të Kosovës, i kryesuar nga guvernatori Ahmet Ismaili, po merr pjesë në takimet pranverore të Fondit Monetar...
    Kronika15 Prill 2024
    Rryma dyshohet se ka shkaktuar zjarin në një depo të frutave në Podujevë. Kështu kanë deklaruar para policisë, dëshmitarët. “Raportohet se një...
    Lajme15 Prill 2024
    Sot përfundon afati për aplikim për akreditimin e vëzhguesve të subjekteve politike të kryetarëve aktual, OJQ-ve vendore/ndërkombëtare dhe mediave. Këtë e konfirmoi...
    Kronika15 Prill 2024
    Është arrestuar një burrë në Gjakovë, pasi i njëjti dyshohet se e ka ndjekur një grua deri tek banesa e saj, duke...
    Kronika15 Prill 2024
    Dy mjete të dyshimta janë gjetur në Prishtinë. Rastin në polici e ka lajmëruar një burrë i cili fillimisht ka thënë se...
    Kronika15 Prill 2024
    Pesë persona janë arrestuar pas një përleshje ndërmjet vete për shkak të një mosmarrëveshje në komunikacion. Policia bën të ditur se ngjarja...

    FrontOnline, © 2024 Të gjitha të drejtat e rezervuara.