Ish-anëtari i VV-së tashmë në PSD, Zgjim Hyseni ka reaguar ndaj deklaratave të zyrtarëve të VV-së për largimin e Vjosa Osmanit nga LDK, duke thënë se të njëjtën e ka bërë kjo parti, madje u ka kërkuar edhe të largohen nga Kosova.
Përmes një shkrimi në Facebook, Hyseni ka përmendur rastin e Aida Dërgutit.
“Kujtojeni njëherë Aida Dërgutin. Ajo është kryqëzuar e kërcënuar më rëndë sesa Shkelzen Gashi. Asnjë demokrat nuk doli ta mbrojë sepse e tëra ishte orkestruar në VV. Më pas ia kerkuan dorezimin e pozitës së nënkryetares së Kuvendit me arsyetimin se ishte zgjedhur nga radhët e VV. Pse nuk ia kerkojnë Vjosës të njëjten sot. Edhe Vjosën, VV e propozoi.”, ka thënë ai.
Ai shtoi ” U kërkove për një kohë mos të merren me politikë dhe mos të qëndrojnë në Kosovë. Ky është internim, jo thjesht largim”.
Arbër Zaimi, ish-këshillari i ish-kryeministrit, Albin Kurti, sot përmes një shkrimi në Facebook ka thënë se Lëvizja Vetëvendosje asnjëherë nuk ka larguar askënd.
” Në LV kurrë askujt nuk i kemi thënë ik. Pavarësisht pikëpamjeve. Madje edhe kur ka pasur fyerje. Edhe ata që kanë vendosur të ikin, para se ta bëjnë fakt të kryer, janë lutur të qëndrojnë. Kështu u arrit mbështetja e sotme mbi 50%”, ka shkruar Zaimi.
https://www.facebook.com/zgjim.hyseni/posts/3243361335684165
