Një vetaksident me fatalitet ka ndodhur në orët e hershme të mëngjesit në fshatin Uglar të Gjilanit, ku ka mbetur e vdekur një femër, shtetase e Shqipërisë dhe tre persona të tjerë janë lënduar.

Rastin për Fronf Online, e ka konfirmuar zëdhënësi i Policisë, për Rajonin e Gjilanit, Ismet Hashani.

Ai thotë se në veturën që është vetaksidentuar kanë qenë 4 persona.

“Në orët e hershme të mëngjesit të sotëm 24.06.2021, në hyrje të fshatit Uglar ka ndodhë një vetë aksident ku, në veturë ishin katër persona. Si pasojë e vetë-aksidentit , me lëndime të rënda janë dërguar në spitalin rajonal në Gjilan. Nga hetimet e para mësohet se njëra nga pasagjeret femër shtetase e Shqipërisë ka humbë jetën si pasojë e aksidentit”, ka deklaruar Hashani për Front Online.

Ai thotë se për rastin është njoftuar prokurori i shtetit.

Hashani shton tutje se Policia e Kosovës njësitet e trafikut rajonal janë duke i hetuar rrethanat e këtij aksidenti të rëndë./FrontOnline