Një person po dyshohet se ka humbur jetën si pasojë e vetaksidentit me veturë në fshatin Çikatovë të Drenasit.
Nga ky aksident mbetën të lënduar edhe tre persona të tjerë.
Lajmin për klankosova.tv e ka konfirmuar zëdhënësi i Policisë së Kosovës, Daut Hoxha.
“Me datën 27.08.2020 rreth orës 21:20 minuta, në fshatin Çikatovë e Vjetër të Gllogocit është shkaktuar një aksident trafiku/ vetaksident me lëndime të rënda trupore ku si pasojë dyshohet se një person ka ndërruar jetë, kurse tre të tjerë janë të lënduar. Në vendin e ngjarjes kanë dalë njësitë kompetente policore ajo hetimeve dhe trafikut dhe po kryejnë procedurat e nevojshme në vendin e ngjarjes”.
Policia ka apeluar tek të gjithë drejtuesit e automjeteve që të jenë më vigjilentë dhe gjatë vozitjes shpejtësinë ta zhvillojnë duke iu përshtatur kushteve dhe rrethanave në rrugë.
