Ministri i Punëve të Brendshme, Agim Veliu ka vizituar Institutin e Kosovës për Administratë Publike, me ç’rast pa për së afërmi objektin e ri, i cili tashmë është funksional dhe ka kapacitetet e plota për ofrimin e trajnimeve për zyrtarët e administratës publike të Kosovës.
Veliu tha se me objektin e ri të IKAP-it, është përmbushur edhe një kriter për liberalizim të vizave dhe anëtarësim në BE.
“Përfundimi i objektit të ri të IKAP-it është shumë i rëndësishëm dhe është në përputhje me reformën në administratën publike, duke pasur parasysh që është një ndër kriteret për përmbushje të standardeve në kuadër të procesit të liberalizimit të vizave dhe anëtarësimit në BE”, citohet të ketë thënë Veliu.
Po ashtu, u bë e ditur se trajnimet do të fillojnë pas marrjes së dritës së gjelbër nga IKSHPK-ja pasi që këto trajnime janë pezulluar shkaku i masave për parandalimin e përhapjes së pandemisë.
