Benjamin Netanyahu dhe udhëheqja izraelite janë të vetmit përgjegjës për përshkallëzimin e tensioneve të fundit në Lindjen e Mesme, ka thënë Turqia.

Presidenti turk, Tajip Erdogan, tha se Izraeli “po përpiqet të provokojë një konflikt rajonal dhe sulmi i tij ndaj ambasadës së Iranit në Damask ishte pika e fundit”, raporton SKynews, transmeton Klan Kosova.

Irani tha se sulmi i tij ndaj Izraelit në fundjavë ishte në hakmarrje për një sulm të dyshuar izraelit në konsullatën iraniane.

Erdogani tha në një konferencë shtypi se konfliktet e reja rajonale ishin të mundshme ndërkohë që “mizoria dhe gjenocidi” në Gaza vazhdonin.

Ai u bëri thirrje të gjitha palëve që të veprojnë me arsye të shëndoshë.

Presidenti turk kritikoi gjithashtu Perëndimin për dënimin e sulmit të Iranit, por jo sulmin izraelit në konsullatën e Iranit.