Për shkak të protestave që po zhvillohen në Shtetet e Bashkuara të Amerikës, presidenti Donald Trump të premten në mesnatë ka qëndruar në bunker, përderisa Shtëpia e Bardhë për herë të parë pas 131 vjetëve i ka fikur dritat, raportojnë mediet amerikane.
Siç bëjnë të ditur burimet e revistës “Time”, Trump ka qëndruar për rreth një orë në bunker, transmeton “Front Online”.
Bunkeri i veçantë është ndërtuar në afërsi të Shtëpisë së Bardhë, ku presidenti dhe zyrtarët e lartë shtetëror mund të qëndrojnë në rast të sulmeve terroriste apo situatave të jashtëzakonshme.
Mbrëmë, një grup i protestuesve ka ndezur zjarr jo shumë largë Shtëpisë së Bardhë.
Protestat në Shtetet e Bashkuara nisën javën e kaluar pas vdekjes së afrikano-amerikanit George Floyd në duart e policisë. Një polic është akuzuar për vrasje në lidhje me këtë rast.
