Trajneri i Kosovës, Alain Giresse, është rrëfyer në një intervistë ekskluzive për portalin FrontOnline. Në mes të tjerash ai ka folur për jetën në Kosovë, për përshtypjet që ia ka lënë vendi ynë, për ndeshjet e zhvilluara gjatë vitit 2022, si dhe për ardhjet e reja te Kosova
Ndonëse nuk ia doli ta kualifikojë Përfaqësuesen e Kosovës në Ligën B të Ligës së Kombeve me kundërshtarë si Greqia, Irlanda e Veriut dhe Qipro, përzgjedhësi Alain Giresse është njëri prej njerëzve më të vlerësuar në vendin tonë. Shpresat për kualifikim të Përfaqësueses së Kosovës në Kampionatin Evropian “Euro 2024” vazhdojnë me ndeshjet e ciklit eliminator të vitit të ardhshëm, ku “Dardanët” kanë punë me Zvicrën, Bjellorusinë, Rumaninë, Andorrën dhe Izraelin.
Giresse: Duhej të kishim vetëm në humbje, do të ketë ardhje të reja te Kosova
Trajneri nga Franca, i cili ka drejtuar edhe Senegalin, Tunizinë, Malin, Gabonin, disa skuadra në Francë dhe tani Kosovën, është rrëfyer në një intervistë të gjatë për portalin FrontOnline, në të cilën ai flet për jetën dhe për përshtypjet që ia ka lënë Kosova, për ardhjet e reja te Përfaqësuesja e Kosovës, si dhe për pritjet nga viti 2023.
Giresse në mes të tjerash ka folur edhe për përshtatjen me stilin e jetës në Kosovë, derisa ka fjalë të mira për Prishtinën, por edhe ushqimin tradicional.
“U përshtata me vendin, të cilin e shoh se është në zhvillim të plotë. Ndihem mirë, në një federatë shumë profesionale, e cila ju lejon të punoni në kushtet më të mira”. tha Giresse për FrontOnline duke vazhduar:
“Vendin e vizitova disa vite më parë, i ftuar nga Fadill Vokri, kisha vlerësuar peizazhet e ndryshme. Prishtina është një kryeqytet i bukur, shumë i gjallë dhe i këndshëm për të jetuar”.
Tutje, ai tregon se Kosova ka ushqime të shijshme, por që emrat nuk i mban në mend.
“Është e vërtetë, ne hamë shumë mirë në Kosovë, por nuk i di emrat e ushqimeve”, deklaroi ai./FrontOnline/