Policia arreston një person në Pejë, pasi që i njëjti ka sulmuar me thikë viktimën mashkull.

Sipas policisë, viktima ka pranuar ndihmë mjekësore, ndërsa i dyshuari pas intervistimit është dërguar në mbajtje për 24 orë.

“Rr. UÇK-së, Pejë 08.04.2022 – 15:40. Është arrestuar i dyshuari mashkull kosovar i mitur, nën dyshimin se me thikë ka sulmuar viktimën mashkull  kosovar duke e goditur në dorë dhe në këmbë duke i shkaktuar lëndime trupore. Viktimës iu është ofruar trajtim mjekësor. Lidhur me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje për 24 orë”, thuhet në raportin 24 orësh të policisë./FrontOnline