Lajme

Thaçi: Gabime politike në paqe mund të kem bërë, por krime lufte asnjëherë!

Thaçi: Gabime politike në paqe mund të kem bërë, por krime lufte asnjëherë!
20:15 | 29 Qershor 2020

‪ Presidenti i vendit Hashim Thaçi është adresuar për qytetarë pas ngritjes së aktakuzë nga Prokuroi i Specializuar në Hagë ndaj tij, raporton Front Online.

Ai ka thënë që në liri mund të ketë bërë gabime por në luftë asnjëherë.

“Gabime politike në paqe mund të kem bërë, por krime lufte asnjëherë!

Edhe po të kthehesha mbrapa, në kohën e zezë të Slobodan Millosheviqit, do të bëja të njëjtën gjë, duke iu përgjigjur plumbit armik me plumbin e etjes për liri dhe duke mos i hyrë kurrë në hak asnjë qytetari serb, rom apo shqiptar”, ka thënë ai.

Presidenti në këtë adresim theksoi se për mbi dy dekada ka përkrahje iniciativave për ngritjen e gjykatave, raporton tutje Front Online.

“Por, një gjë më lejoni ta bëj shumë të qartë: Mbi dy dekada i kam mbështetur iniciativat për ngritjen e gjykatave me përfshirje apo mbikëqyrje ndërkombëtare. Ky parim mbetet i njëjtë edhe sot, kur jam unë, Hashim Thaçi, që personalisht do të mund të përballem me një gjykatë për të cilën kam dhënë mbështetjen time politike, me fjalë e me votë”, ka thënë tutje ai.

Thaçi ka folur edhe për dy rrugët që ka pasur përpara për të zgjedhur.

“Në atë kohë, kishim përballë vetëm dy rrugë. Njëra të cilës i kam besuar tërë jetën e i besoj edhe sot – ecjes përpara në aleancë të ngushtë me Shtetet e Bashkuara dhe Bashkimin Evropian; Dhe e dyta që kjo çështje t’i lihet në dorë Këshillit të Sigurimit të Kombeve të Bashkuara ku kanë ndikim të fuqishëm vendet që e kundërshtojnë shtetin e Kosovës”, ka thënë ndër të tjera ai

Lideri i vendit është akuzuar edhe për sabotim të punës së Gjykatës Speciale. Lidhur me këtë cështje ai tha se prokuroi është keqinformuar.

“Vendimi im ishte strategjik në përputhje me vizionin për të ardhmen e Kosovës. Dhe nuk kam shikuar për përfitime ditore e politike. Sot, kush thotë se qenkam bërë pengesë, madje edhe sabotues i kësaj gjykate, në rastin më të mirë është i keqinformuar dhe në rastin më të keq është tendencioz”, ka thënë ai./Front Online

https://www.facebook.com/FrontOnlineMedia/videos/774423683366545/?eid=ARB_vKMhaFfjGdzjJ1nh0k4UG-9jUnkBt_E9szy5XoQYePdlHZALq2Z8kYycGPwM_-gsmoHTgW_r7Iy3

 

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera