Presidenti i Kosovës Hashim Thaçi ka takuar sot të dërguarin e posaçëm të Bashkimit Evropian (BE) për dialogun Kosovë – Serbi, Miroslav Lajçak, raporton Front Online.

I pari i vendit tha se në takim me Lajçak kanë diskutuar lidhur me progresin që ka bërë Kosova si dhe për reformat qe janë bërë deri më tani.

“Ishte kënaqësi të takoj Lajçakun sot në Kosovë. E informova për progresin e arritur në Kosovë. Për reformat qe i kemi bërë dhe qe synojmë t`ii bëjmë. Kosova ka një alternativë për të ardhmen”, tha Thaçi në konferencë për media.

Presidenti pohoi se në këtë takim bashkë me të dërguarin e posaçëm të BE-së kanë diskutuar edhe për angazhimet e këtij të fundit që pritet t’i ketë si ndërmjetësues i dialogut me Serbinë.

“Diskutuam edhe për angazhimet e drejtpërdrejta të Lajçakut qw do t’i ketë për dialogun me Serbinë. Dua të besoj qe do të kemi veprime konkrete dhe dobiprurëse për vendin tonë”, deklaroi
Thaçi.

Ai mes tjerash tha se përmes dialogut synohet që fillimisht të arrihet liberalizimin vizave për kosovarët si dhe njohja e Kosovës nga shteti serb.

“Ja konfirmova pozicionin zyrtar, që ky proces duhet të fillojë me liberalizimin e vizave dhe duhet të përfundojë me njohjen e Kosovës nga shteti i Serbisë. Ne do të punojmë ngushtë edhe me ShBA-të që të lëvizim bashkë për një marrëveshje finale”, ka theksuar Thaçi.

Pas takimit me Thaçin, Lajçak sot pritet të zhvillojë takim edhe me kryeparlamentaren Vjosa Osmanin si dhe me kryeministrin Avdullah Hotin.

I emëruari i Shtëpisë së Bardhë për dialogun ndërmjet Kosovës dhe Serbisë Richard Grenell ka njoftuar se më 27 qershor të këtij viti do të rinisë dialogu ndërmjet dy qeverive. /FrontOnline/

https://www.facebook.com/FrontOnlineMedia/videos/1996337233832125/?notif_id=1592209597374282&notif_t=live_video_explicit