Telekomi i Kosovës (TK) para një dekade ishte kompania më profitabile në vend, e cila çdo vit i pagunte dividentë buxhetit të Kosovës. Por, një epitet të tillë kompania nuk e mbanë viteve të fundit, si pasojë e keqmenaxhimit.
“Front Online” ka analizuar raportet financiare të Telekomit Kosovës, ku dëshmohet se derisa humbjet e kompanisë rriteshin, menaxhmenti i Telekomit rriste numrin e punëtorëve.
Në vitin 2016, kur kompania udhëhiqej nga kryeshefi Agron Mustafa, humbjet vjetore të kompanisë kishin arritur në mbi 51 milionë euro, derisa numri i përgjithshëm i të punësuarëve ishte 2279.
Një vit më vonë (2017) humbjet 13.8 milionë euro, ndërsa numri i të punësuarëve arriti në 2291.
Në vitin 2018 Telekomi shënoi rreth 16 milionë euro humbje, derisa punësimet nuk ndaleshin, duke arritur numrin e përgjithshëm në 2430.
Në vitin 2019, kompania që udhëhiqej nga Bedri Istrefi shënoi rreth 27 milionë euro humbje, përderisa numri i të punësuarëve ra në 2383.
Përndryshe, humbjet e Telekomit erdhën si rezultat i keqmenaxhimit afagjatë, kontratës së dëmshme me Z Mobile, disa kontratave tjera si kjo e fundit dhe rritjes së punësimeve, kryesisht partiake.
/Front Online/
