“Takimi në Uashington do të mbahet në Shtëpinë e Bardhë. Te një shtet mik që gjithmonë ka qenë dhe vazhdon të jetë afër Kosovës dhe kombit tonë. Kam qenë në kontakt me kryeministrin dhe jam në kontakt me delegacionin. Delegacioni është unik. Është gati për këtë takim. Shpresoj që nga ky takim të kemi lajme pozitive”, ka thënë Tahiri për gazetarë pas takimit në komunën e Ferizajt.

Tahiri po ashtu ka thënë se ligji për financa lokale duhet ndryshuar, e po ashtu ka thënë se do të bëjë përpjekje për të shtyrë para ligjin për paga.

“Sistemi i financimit të komunave të Kosovës në legjislacionin aktual nuk është i drejtë. Ligji i financave lokale është miratuar dhe buron nga pako e Ahtisaarit, që e ka reflektu situatën e vitit 2008. Si zëvendëskryeministër në bashkëpunim me kryetarët e komunave dhe Asociacionin e Komunave të Kosovës do të adresoj këtë ligj, pasi mendoj se ligji nuk e reflekton Kosovën e vitit 2020 dhe nuk e reflekton as si duam të shohim Kosovën në vitin 2030. Duhet të jemi të sinqertë. Do të kemi kriza në aspektin e buxhetit të shtetit. Ne duhet të bëjmë planifikime në bazën që kemi. Duhet të përgatitemi sikur pandemia do të jetë pjesë e jetës në çdo aspekt. Po ashtu kam një kërkesë për partitë në Kuvend. E dini se ligjin për paga në Qeverinë Haradinaj e kam udhëheq unë. Por fatkeqësisht në Kuvend pësoi ndryshime, ndryshime që preku dy tema. Ky ligj duhet të kalojë. Por për të kaluar duhet të ketë koncensus të gjithë partive politike. Në këtë temë duhet të kemi koncesus. Me këtë ligj specialistët do të kishin rrogë 1200 euro, zjarrfiksat do të ishin ndryshe, policët do të ishin ndryshe. Unë do të bëjë punën time ta shtyjë para. Do të angazhohem që ligjin për paga ta kthejë në realitet”, ka thënë Tahiri.