Njohësja e fushës së medias, Flutura Kusari, ka reaguar pasi Gjykata Themelore në Prishtinë ka dënuar me 4 mijë e 500 euro gjobë sulmuesin e gazetarit, Valon Syla.

Sipas Kusarit, sulmuesi do të duhej të dënohej me burg, meqë siç thekson ajo, dënimi me gjobë inkurajon sulmet ndaj gazetarëve.

Reagimi i plotë:

Dënimi i sulmuesit të Valon Sylës me gjobë prej 4,500 euro është i papranueshëm dhe inkurajon rrahjen e gazetarëve.

Sulmi ndaj Valonit ishte sulm tejet i rëndë. Gjykata është dashur ta dënojë sulmuesin me burg dhe kështu të çonte mesazh tek të tjerët se rrahja e gazetarëve ka pasoja të rënda juridike.

Me këtë dënim, gjykata do të inkurajojë të gjithë ata që kanë mundësi të paguajnë disa mijëra euro gjobë që të vazhdojnë të rrahin gazetarët.

Kur bëhet fjalë për kërcënime të politikanëve, gjykatësit i dënojnë shumë më ashpër sulmuesit.

Shpresoj që prokuroria do ta apelojë këtë vendim!